منتديات الرائدية

موعدك

بكره يجي وقتنا ونعد الايامي
يلي تعوّد على تكبيرت اللقمه

تلبس ثياب الندم وتعض الابهامي
والكل توه درى وش تعني الحكمه

تذكر ليالي مضت وتعيش الاحلامي
تحلم بمص العظم يارامي اللحمه

زالت غيومك ترى يابلشت الضامي
دور على رزقتك وانقطعت الخدمه

راح السرف والبذخ وايام الانعامي
كلن خذا قسمته والقسمه القسمه

راحت شيوك العرب وجفت اقلامي
وين الفخر يومهم كلن فخر بسمه

اللي بنا نعمته ياسهل الاهدامي
لانه حسافه نسا لايشكر النعمه

وين الزكاه الذي توجب للايتامي
تاكل وتنسى الاجر ياسارق البسمه

ربي عليماً ترى ابذيك الاعوامي
ماتدري بأن اليتم تكفيهم اللمسه

وين الغنا والزنا مع ذيك الانغامي
وين القصر والشجر لاهبت النسمه

موعدك داخل قبر مابين الاعظامي

من قبل لاتلتقي القبر له حسمه

ماينفعك لا ولد لاخال لا عمامي
كلن على رسمته محسوب برسمه