منتديات الرائدية - غدر الصديق

غدر الصديق

:101:

اشتغير ياوجه يالكلك أوجوه
وجه يضحك جذب والثاني غدار
اشتحسب ياجرح خليته نيشان
أذا جرحك الأول باقي تذكار
اصفن بيك واحسب هاي وي هاي
تطلعلي النتيجة كومة أصفار
زرعتك بالوفه وكلت احصد الطيب
وبمحصولي منك ضاع العيار
يالوصفك شبچ مايحجب الريح
شلون امن بعد لو هب الإعصار
صافي وياك ماعندي دغش دوم
يالدولاب طبعك دوم دوار
يادفله من أوصفك وجهك أورود
والمر يسري بيك بداخلك صار
يالحجيك ثلج لتظن امن بيك
تره أيذوب الثلج لو مسته النا ر
يالكلك وهم تشبه سراب الكاع
ومن طبع السراب يغش الانظار
يالطبع الثعالب بيك موجود
وكل ثعلب يخلص عمره مكار
ربن وياي طعناتك ولك ليش
تغـذن بالكلب طعناتك إكبار
بيك آنت طبع مثل التماسيح
تبجي بالجذب لوشافت أخطار
اليعيش بحيله تالي يموت خسران
وحبال الجذب صدكني اكصار
جاي وتعتذر وبياوجه جاي
ماينفع بجي ولاتنفع اعذار
بعد ماطاب جرحي وخاطر أنساه
ألك جرح انطبع لوحه وي بسمار
بيدك حطمت سور العمر ليش
وهسه العمر صاير كومة أحجار
ولك عمري غصن ومفرع أورود
وطعنات الغدر صارله منشار
كتالي صرت وتبقه آنت مديون
ويظل دمي بركبتك وطلب الثار