قراوى في برج المملكة ..
 

السلام عليكم..
بما إني دافورة فما عندي وقت أضيعه في كتابة المقدمات لأني لازم أروح أذاكر دروس السنة الجاية .. خبركم ما باقي الا شهر على الدراسة .. (( تراني سعودية على الطاري ))


في مرتن من المراريت قررت أمي الله يحفظها إنها تجمع عيالها ( إللي هم حنا) وعيال أختها وعيال أختها الثانية وتتمشى هي وياهم وبالمرة راحت معنا صديقتها وعيال صديقتها .. (( و جميع أفراد القبيلة وجهت لهم الدعوة ))

المهم ضفنتا أمي وبتمشينا ,, وقعدت تفكر وين تبي تودينا ؟؟؟
ياربي وييييين ؟؟
بسسسسسسسسسسسسسسس
برج المملكة .. (( لازم نكتشف العالم الاخر ....))
<< تحسب إنها بتروح لبيت الأشباح
المهم يوم وقفت سيارتنا المصونة وأتلفت يمين ويسار ولا أشوف إلا ذا البنوز واللكزس والبي إم اللي أسمعهم يسولفون بها وقمت رسمت شعارها على يدي علشان إذا شفتها مرة من المراريت أسلم على راعيها
(( أكيد أمير )) يمكن يخطبني ..... والاحتمال الأرجح إنه يخبطني .,,
المهم يوم شفت ذا السيارات وأنا أستحي .. وش معنا احنا جايين بالددسن ومركبين البزران ورى في الصندوق ؟؟
ومن الحيا انحشت كني ماني تبعهم ..وبينما أنا أتأمل مخلوقات ربي من قزاز مصفوف فوق بعض لين صار عمارة اكتشفت وجود زبيرية تلحقني واذا لفيت لفت .. وألف وتلف .. لين خبطتني .. أثاريه أخوي يقول ليه تنحاشين ؟؟ مو عاجبينك ؟؟
قلت .. إلا وين بألقى أحسن منكم ..
المهم إنا مشينا سوا .. (( ماهي بطاقة شحن))
وأحس إن كل الناس يطالعون فينا .. مدري ليه .. ؟؟ أكيد معجبين ..
المهم يوم طلعنا الاصنصير قاعدة امي تعلمهم تقول .. إحنا بنطلع فوق للبرج ..
ويوم بدا الاصنصير يرقى إلا يقولون البزارين الله يجنن الجسر .. (( من الدلاخة يحسبون إن الاصنصير هو الجسر ))
وقام اللي معنا حاطينه يحكي يعلمنا ويقول بنصير على ارتفاع 300 متر عن سطح البحر .. كاني منين واهمة
المهم ويهبون فيه بزاريننا المصونين ويقولون يانصاب الرياض مافيها بحر
المسكين شكله يدربي راسه وماعمره شاف ذا الأشكال .. وصار وجهه كذا
ويوم رقينا استغلوا بزراننا الفرصة للعب الحبشة .. ( يحسبونهم في ستار أكاديمي ..))
<< تسمع الأخت دايم بستار أكاديمي .. يمكن إنه حارة ...
وهم يلعبون انقلبت الدعوا جد وما تشوف إلا النعال كنها الكتب إذا خلص الاختبار
<< دافورة صدق..
المهم إن جدتي صااااااااااااااااااااالت وعصصصصصصصصصصصصصصبت وقالت
لا تفشلوننا عند ذا الأطخم
وفجأة سمعت أمي تكلم عمتي تقول .. وش رايكم تجون .. مكان وش زينه يصلح نبسط فيه وجيبي الكراث والفصفص ..
في اللحظة هذي كان ودي أحلتهم كلهم من ذيك الفتحة اللي كنها ابتسامة مدهش حق دبي ..

والحد لله إن سيارتهم في الورشة وإلا كان علوم
المهم إننا حولنا ل77

ويقال لنا إنا بنسوي حركة وبنطلب من مطعمهم .. ونقرى القائمة وما عرفنا الاالبيتزا والعصير الكوكتيل
وطلبناها ..
ومن زود الكشخة قامت اختي تاكل البيتزا بالشوكة والسكين ..

وفجأة من الفجأات طارت علي بيتزتهاعلي كأنها طبق طائر حق توم اند جيري ..
المهم إن الوضع ماشي تمام .. .. بالنسبة لنا ..
وراح الجرسون يحط أشياء مدورة صغيرة .. وكلنا نناظر فيها ما ندري وشهي ..
فجأة جاب كيسان العصير وحطها فوق الشي المدور .. واختي من زود الدلاخة قامت تجمعها تحسب فيها كلمة سر تخلي العشا بلاش .....
المهم إنهم صكونا بذيك الفاتورة .. وهم يضحكون بعد ..
ويوم ناظرتها أمي وفي رواية (( ماما)) إلا نقزت عيونها من ورى النقاب صارت كبر البيتزا اللي تونا ماكلينها ..
وأنا أحسب الرقم بالهللات ..
وتعصب جدتي .. قالت ماعاد عليك إلا ذي ؟؟ أجل حنا ناكل بخمس مية ؟؟ هذي تشبعنا شهر....
ولو يحرجون علينا واحد واحد في حراج ابن قاسم ما جبنا ميتين وخمسين ,,,,,
المهم إن ورانا رجال يناظرنا ويضحك .. شكله من البزبز مان .. (( يقرب لببسي مان ))
قال ولا يهمكم ياخالات الحساب علي اليوم ..
نطت جدتي وقالت ..
أجل أنت فيذا بكرة ؟؟ نسير عليك .. نط أخوي وقال والله ماتدفع ولا قرش .. وأنا فواد بن بطاح
وحسابك علينا .. ترانا نمزح مع الرجال تو ..
راح ابن الحلال وهو يشك في الوضع أحس إنه يحسبنا نصور طاش ماطاش وفرحان إنه بيطلع فيها
ودفعنا وحنا نحلف ماعاد نتعدى منتزه سلام .. (( يخب علينا ))
وحنا نازلين أحس إن اللي بيطلعون وشافونا ننزل يقولون الحمد لله إن ذولي سبقونا ونزلوا ..




ما يستفاد من القصة
ون .. اذا بغيت تروح المملكة اركب وانيت عشان تحس إن كل الناس يناظرونك يا مهم .
تو .. يفضل إذا بغيتوا تطلعون الجسر تصيرون جايبين البساط والعدة معكم
ثري .. اذا جات الفاتورة سوو صجة لين يجي واحد يقول بادفع عنكم .. والأهم إذا قال كذا لا تعيون .
فور .. إذا جيتوا من المملكة وكتبتوا ما يستفاد لا تكتبون أولا ثانيا بل اكتبوا ون تو وإذا متطورين مرة اكتبوا فيرست وسكوند

فايفن حبيت أعلمكم إني أعرف أعد من واحد إلى خمسة بالانقليزي .. الله يكفينا شر الماصلة






ملطوش

:D

ههههههههههههههههههههههههههههههههههههه
وقمت رسمت شعارها على يدي علشان إذا شفتها مرة من المراريت أسلم على راعيها
(( أكيد أمير )) يمكن يخطبني ..... والاحتمال الأرجح إنه يخبطني .,,
ههههههههههههههههههههههههههههههههههه
<<<حلوه رسمت على ايدها خخخخخخخخخخخخخخخخخخخخخخخ
يعطيتس الف عافيه صقيقتي الصقوق <==== مالها شغل بالرياض خخخ

هههههههههههههه



الله يعطيك العافية يا ملسوووونه


والله يستر على القرواي كلهم :D





تحياتي لك ،،

هههههههههههههههههههههههههههههههههه يعطيك الف عافيه على هيك موضوع

لكن من ناحية الفواتير ذكرتيني بسالفه لواحد من الشباب عزمناا على عشاا في مطعم طبعاا اخيناا في الله اعرفه كحياان ماعنده قرش بمخبااه لكن من قرادتي صدقته بس عشان تعرفون اني على نيااتي وصلناا للمطعم وطلبنا

بيني وبينكم استحيت من الرجال يعني ما طلبت ذاك الزود كله حبه على فحم وصحن متبل وهمبرجر وعصير طبقاات هذا غير المقبلات

مع ذلك اشووف الرجاال مكشر وماد البووز شبرين ويوم سالته وراك يافلان مكشر

قاال مطلع بزارين معي انااا وش هالاكل بتطلبون اكل زي النااس والا نعود وكل واحد بيت امه

قلناله ابشر ولا يهمك هذا اللي مزعلك بس

وفعلا طلبنااا وجباات زياده على اللي طالبينهم حتى انا اضطريناا نستلف الطاوله اللي بجنبناا

وخذ يا سوالف وهات يا صواريخ بس زين انهاا صواريخ كلاميه لو انهاا من جد كان راح في خرايطهاا المطعم

بعد ماتعشينا وعينا من الله خير جاا وقت الحسااب

طبعاا انا وخويي عزمناا نقط استحينا من الرجاال يعني معقووله يحاسب على هالعشاا لحاله

لكن مع ذلك اصر الرجال وحلف وحرم ان محد يدفع

قلنااا مااشي ادفع ياسيدي

قاال المهم انتم سوقوهاا قلناله وين

قال وين يعني براااا

قلناله ليش قال لا بس ابي صاحب المطعم بسالفه

قلنا اوكي ولا يهمك

طلعناااا وما هي الا هنيهاااات الا ويوم شفنااا خوينااا عاض طرف ثووبه وحاط رجوله والتركي ( القارصون) يطرد وراه

طبعااا يبطي عظم يمسكه لانه حاصل على عشر جوائز في اختراق الضاحيه

بس تبوون الجد انا اشهد انه كفوووو بس عيبه الوحيد انه ؟؟؟؟؟؟؟ :D

يعطيكم الف عافيه لكل واحد مر على موضوعي


الجوري و

ابو رائد

و غريبوووووو يعطيك العافيه على البهارات ههههههه

ههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههه
وانتي تنقلين العلوووم بسسسسسسسسسسس :D :D

اوووووووووووووووووووف :p

هههههههههههههههههههههههههههههههههههه

ههههههههاااااااااااهاااااااااااي ملسوووونه صج إنج عجيبه

[align=center]تسلم اخوي سعد


الاعجب و الاحلى مرورك اختي الرايقه[/align]