عسى الشعيب .......... فواز الشمري
 

السلام عليكم ورحمة الله وبركاته

احبتي الاعضاء حبيت انزل قصيده لواحد من الربع

وأمل ان تحوز على رضاكم

للشاعر / فواز نداء المايق الجرذاني الشمري

وهي موجهه لصديقه /لافي مرضي الشمري
[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
يالله يامنـزل لنـا سـورة الـنـور
=ياللي تجازي بالخطيـه خطيـه
يالله ياعالـم متـى ينفـخ الـصـور
=هني مـن ينعـم بعفـوك هنيّـه
انت الذي تفعـل ولا تأخـذ الشـور
=يارب عفوك قبـل يـوم المنيّـه
ابسألك وانت الـذي تعطـي الحـور
=يالرازق اللـي ماتمـن العطيّـه
عسى الشعيب اللي تحت خشّة الثور
=يمشي يالافي قبل عيد الضحيّـه
في ليلةٍ حس الرعـد تقـل ماطـور
=عسى بها الاشجار تصبح نديّـه
يـارب ياقـادر علـى كـل مقـدور
=يالله عساهـا ديـم ولا بـرديّـه
يصبح بهـا راع المغاتيـر مسـرور
=وراع الغنم يلقـاه قـاعٍ مريّـه
ومثله على واد الهلالي وابـا القـور
=جعله على كل المناطـق ضفيّـه
نشوف بـه نبـت النواويـر منثـور
=ربيع ما نشوف الفياض محميّـه
يرتاح راع المور مـا حمّـل المـور
=العشب واجـد والحوايـا مليّـه
نبي مع الريضـان ونفـارق الـدور
=نطلع مع الاجواد واهل الحميّـه
وش جاب شوف العشب لمقابل السور
=نفسك مع البرّان تصبح رضيّـه
انشهد ان القلـب مدمـن ومسحـور
=مسحور في شوف الفياض العذيّه
عزّي لمنهـو بالخفـارات محشـور
=امـا رقـد ولاّ بلـش بالتحيّـه
ثابـت وراحـه واتّجـه للـورا دور
=وشد السريـر ونظّـف البندقيـه
مثبـور يـاراع البساطيـر مثـبـور
=اكو البدال ورخصتك موسميّـه
صبرت انا والقلب مقهـور مقهـور
=زاده قهر بعض الوجيه الرديّـه
والله يالافـي عندنـا نطّـت القـور
=الـذ مـن صفاتنـا بالسـريّـه
وصلاة ربـي عـد الايـام وشهـور
=علـى نبـي الله هـاد البـريّـه
[/poem]



خشة الثور \ هي عباره عن تلال ممتده وبارزه وهذا سبب تسميتها وتقع بالشمال

يمر من تحتها شعيب يسمى شعيب الخر وهو مشهور يقطع الطريق الدولي المؤدي

الى الشام قبل مدينة العويقيله بعشر كيلو

للمعلوميه فقط

وسلامتك

السلام عليكم ورحمة الله وبركاته

اخي عبدالعزيز الجلعود

اشكرك لمرور سموك الكريم لصفحتي المتواضعه

وشاكر لك على الرد

الجميل

وابشر بسعدك ماطلبت شي يالغالي تامر امر

[align=center]صح قلبك ثاني

وصح لسان الشاعر / فواز نداء الشمري

وتسلم على اتحافنا بالقصيدة الرائعه

وننتظر المزيد[/align]

اخواني

P.L.A

ديما

ابتسأمة الم

شاكر على مروركم لحروفي المتواضعه

وصح بدنكم

وانشاء الله اجيب لكم قصايد فواز الجديده :biggrin:

[align=center]عزّي لمنهو بالخفارات محشور
اما رقد ولاّ بلش بالتحيّه
ثابت وراحه واتّجه للورا دور
وشد السرير ونظّف البندقيه
مثبور ياراع البساطير مثبور
اكو البدال ورخصتك موسميّه

قصيدة جميلة نقل مميز كلام عسسسسسسسسسسل

يعطيك العافية ثاني

وصح لسان الشاعر

ولاهنت [/align]