|
== الله على ايـــام زمـــان .. تــعــالوا شوي نتــذكــرهــا ==
== الله على ايـــام زمـــان .. تــعــالوا شوي نتــذكــرهــا == ذكريات من الماضي القريب http://www.arabs-pc.net/upload/images/218.gif [grade="FF1493 800080 4169E1 800080 FF1493"]تذكرون لما يجي لك واحد ثقيل دم من العايله اكبر منك ويقولك تبي اسويلك ساعه ,, وانت تمدله ايدك ويقوم يعضك ذيك العضّـه اللي تفرفر منها تذكرون لما كنا نصور فوري عند الإستوديو اللي على نهاية الفريج وطبعا غصب عليك الخلفيـه زرقاا مو بكيفك ولازم تمشط بالمشط اللي عنده وبعدين يقصلك الصوره بالآله اللي عنده والاطراف مشرشره يعني يكوون حركـه تذكرون لي شفت واحد عنده سياره مرسيدس كان يحوشنا فضوول مو طبيعي الا نبي نعرف شنو في بالصيدليـه اللي وراا بالسيارة واخر شي يطلع بلاستر وباندج تذكرون اول يوم دوام بالمدرسـه كانوا يسلمونا الكتب كلهم مع بعض وصافينهم من الكبييييير لي الصغير يعني يكون حركـه .. وطبعا الكبير كتاب العلوم وكانوا يحطونهم بكيس السوبر ماركت وتظل شاقلهم على ظهر طول اليووم .. عذااب عذااب مو مدرسه تذكرون المعجون الصغير اللي ريحته تبط الرااس ومعاه عود لونه احمر مادري وردي وكنا نبطله بالمقلوب ونرعصه ونلف العود عليه وننفخ عشان نسوي نفاخة والله تطلع بلاعيمك على هالنفاخة .. <<< احبه وللحين ادوّر عليه http://www.arabs-pc.net/upload/images/218.gif تذكرون لما كانوا الاولاد يلعبون كره بالفريج يعني مباراة واذا كان واحد ناقص من الفريق بعد ما يبيله حارس دفاع هجوم ماشاء الله قرندايزر مو حارس .. وطبعا كان اللعب لي اذان المغرب اول ما يقول الله اكبر يعني الصفاره تذكرون لما كنا نشوف افتح يا سمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيعه شنو هالوساخة من لاحقكم تذكرون يوم الجمعه نقعد من الصبح علشان نسمع اغنيـة في عالم الشعوب قصائص لا تنتهي وعالم حلو بهي يسكن في قلوب قصص الشعوب ,,, و كانو يحطون بحيرة البجع فوق 10000000 مرة و هم كنا نقعد عشان نشوفها http://www.arabs-pc.net/upload/images/218.gif تذكرون لما كانوا بالصيف يسبحون اليهال بالطشت والبيالة الزرقاا او الحمرااا وانت تتنافض من البرد وتنطر متى يكبون عليك الماي .. اي افتحوا الدوش وفكوا عمركم .. ياسلاام سياسة ترشيد المياه منذ القدم تذكرون تليفون بو قرص اللي يخيب ثناك وانت تتصل ويااااويييلك يطلع الرقم مشغوول لان مافي ريدايل والله يعينك لي بغيت تدق مكالمه حق خدامتكم تلاقي اصابيعك اتعربك .. صج كانت معاناة بالعيشـه تذكرون لما كنا نرجع من مكان كنا نتهاوش منو اللي ينسدح وراا بالسيارة صوب الجام ويطقها نومه لي البيت لا لا ويتحرش باخوانه ينزل ريله عليهم يعني يكون حارهم <<< اووووه ياكثر ماسويتها تذكرون لما كنا نربط الشرشف على رقبتنا يعني يكون سوبرمان ونصعد فوق الكبت وانّط على الدواشق واخر شي طاب غلط ومنكسره ايدك http://www.arabs-pc.net/upload/images/218.gif تذكرون شريط الجراغيات الاحمر اللي اذا اخترب المسدس مايبيله بعد كلام حوّل على كعب الوالده وكمّل عليه بالكاشي ولا على عتبة الباب ,,, اخر شي الوالده مكمله عليك بالكعب بوووووووووا حد تذكرون اول ايام الدراسه يعني يكون بنشد حيلنا ونشتري قلم فسفوري اصفر ولا برتقالي ,, عشان نظلل الشي المهم اخر شي مظللين الكتب كله انزين وين الشي المهم مادري تذكرون لما يقول الاستاذ ان هذي الصفحـه ملغيّه ايواااا تعال شوف التشخط اللي على الصفحه من فووووق لي تحت ولا نشقهاا خير شر من الكتااب اشدعوه هالحقد عااد عاد انا لي الحين على هالحركات شنسوي نونّس روحنا ايحااء يعني الكميّه شويه تذكرون لما تتهاوش مع ولد جيرانكم وتقوله وخر عن بيتنا وعن رصيفنا يقولك مو رصيفكم هذا رصيف الحكومه كلام منطقي صرااحه .. ويقعد يحوس جبال بيتكم ويمر يمك ويقوول مايخصك مايخصك http://www.arabs-pc.net/upload/images/218.gif تذكرون كمبيوتر صخر 170 لما حنينا على الوالد يشتريه عشان يساعدنا بالدراسه ,, اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطيناا شريط بنك المعلومات يعني استفاده تذكرون لما يروحون الاولاد السوق مع الوالد يشتري لهم خامات حق العيد اخر شي شاري طاقه كامله نفس اللون تشوف باول يوم العيد من الوالد لي الاخو الصغير نفس الدشاديش تقول فرقة التلفزيوون تذكرون قبل لما كانوا الحريم يلبسون حجاب بوربطه والنظارات هااااااااالكبر تقول داشين فلم 3 دايمنشن حشى تسي تسي .. والحين قاموا يخشون صورهم ولا يشقونهم من الفشلـه تذكرون المسجله السوداا مالت استاذ الانجليزي اللي لي دش علينا فيها قمممة الوناسه ,, اليوم ليسيننج وروووح سكشن فايف تررررن تررررن سكشن فايف .. هاي سوبر فالكون ههههههههههاااي فراغة والله فراغة تذكرون الشسوار البيج بوشنطة بيضه تقول لاب توب مع الهوز كأنه خرطوم طياره تشغله قبله بيوم عشان يصير حاار http://www.arabs-pc.net/upload/images/218.gif تذكرون لي طاح ضرسك قبل تقولك امك امسكه وقطه فوق وقول يارب اخذ ضرس الحمار وعطني ضرس الغزال واخر شي طايح يم ريولك تذكرون لما البنات كانوا يلبسون ثوب الصلاة عشان يصلون وشباصاتهم طامره تقول اذون فار الله يذكر هالايام بالخير ... فعلا كانت ايام حلوه :D [/grade] http://www.arabs-pc.net/upload/images/218.gif |
اقتباس:
معك حق مع اني لحقت على آخرها بس :biggrin: .. شكرا يالغلا..،، :101: |
السلام عليكم
ااااااااالله عليك أختي سحايب صيف ذكرتينا بأجمل ايام العمر و احلى ما في ذيك الأيام كنا نعيش بتلقائية و ما نفكر في بكرة همنا نعيش يومنا و نستمتع فيه يسلمووا على هالموضوع الحلو |
حياااااااااااااااااااااكم الله ميلااااف
وهوى العز |
سحايب صيف أيام كانت رائعة جدا تخلو من التعقيدات الحياتيه التي نعيشها الآن يعطيك العافية |
سحايب صيف
وازيدك من القصص اتذكر مسلسلات ستيف اوستن الرجل الحديدي كنت ماادانيها واخاف منها:eek: لان بعد مايخلص المسلسل يجي اخوي الكبير ويطبق المسلسل علينا وهات يابوكس وهات يارفس .:redface: ... واخس شئ مسلسل طرازان لان التطبيق فيه حبال معلقه :frown: ولازم نفصخ الفنايل لزوم الدور يجي مثل المسلسل:redface: ....معانات :redface: :redface: |
ههههههههههههههههههههه حلوه.. يعطيك العافيه .. يابنت العجايب.. تحيتي لك..,, |
سحايب صيف
ههههههههه بردتي علينا بالصيف هذا والحر بهطول ذكريات جميله كوني بخير |
سحايب ليكون انتي من زمن جدتي وانا ما اعرف
شكرا ليكي |
ههههههههههه بو سلطااان الله يعطيك العاافيه
اعتقد اني من جيلك ههههههههه طرزااااااااااان اواااوووه اوووه صح ههههههههههههههههههههه وانت ياا الجلعود عسى الله يبرد على قلبك دااااااااااااااااااايم حياااااااااااااكم الله على المروووووووور |
| الساعة الآن 04:26 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.