وزارة التربية والتعليم ... وحقوق المعلمين والمعلمات المهضومة !!!!!!!
[align=center][align=center][align=center]
وزارة التربية والتعليم ... وحقوق المعلمين والمعلمات المهضومة !!!!!!! السلام عليكم اتمنى تمريرها لكم ولكل قلب نقي .... اشكي على الله موجعات الهمومـي **** اللي تدك ضلوع صـدري وتشعـاه حتنّ عيني من قهـر مـا تنومـي **** داريت لكـن مـا تفيـد المـداراه وسكت لين انبـاح سـد الكتومـي **** اللي كتم غيضـه ولا بـث شكـواه واليوم مابه غير فـرك الخشومـي **** بضربّها والرزق في يديـن مـولاه وبثني لها ساقي واشـن الهجومـي **** وابيّن المستـور وابحـث خفايـاه كبدي من الكذب الملفّـق تحومـي **** وادبل كبد اللي سمـع مـا سمعنـاه اليا متـى كـذب الـوزاره يدومـي **** اللي حدت قلب المعنّى على اقصـاه الكذب والتظليـل سلـم الرخومـي **** اللي علـى التعليـم جـرّت معانـاه ما عمهم فيهـم عزيـز محشومـي **** مير الغثا بـذّ الخفـا ليـن جـزّاه سلب الحقوق ابرز صفات الظلومي **** والظلم يوم البعـث راعيـه يلقـاه حق المعلم بيّع مـن غيـر سومـي **** بيعة بخيص وعارف ٍ ربح مسعـاه الحق والتحسين صـارت حلومـي **** حلم المعلـم فـي حياتـه ولا جـاه حق المعلـم مـا لقـاه مهضومـي **** ولاله جـدا غيـر الدعـا والتـأوّاه بيبطي عظم ويعضّ راس البهومـي **** ما جاه تحسيـن ٍ ولا ذاق مشهـاه لنّ الـوزاره بابهـا صـار يومـي **** احدٍ بهـا شبعـان واحـدٍ لـه الله حوادث التعليم فـي شكـل يومـي **** تحـدث ولكـنّ الـوزاره تحاشـاه ( اميه وستين الف ) صاحو عمومي **** تكفى يا ابو متعب ترا الوضع مأساه وامعلمـات بكـل ليلـه ويـومـي **** على طريق الموت ويديـن مظمـاه اقرب لهن مـن باليـات الهدومـي **** وكل ٍ تقول اليـوم عينـي تحـراه وياكثر من راحـن الاف الرقومـي **** يصعب علينا حصرهن لـو جمعنـاه راحن ودمـع اطفالهـن بالكمومـي **** وحلم النقـل معهـن دفنّـا بقايـاه في غبة المـوت المحقـق تعومـي **** سفينـة التعليـم واللـي بغيـنـاه ( اميه وستين الف ) صاحو عمومي **** تكفى يا ابو متعب ترا الوضع مأساه من بعد ربي يـا قـوي العزومـي **** على يديك الحلـم تصـدق رويـاه انت الوحيد اللـي عليهـا جزومـي **** يا حر يا ابن احرار نجـد المسمـاه يا سيدي هاذي حمايـض علومـي **** الوضع مزري بس في يدينـك ادواه ( اميه وستين الف ) صاحو عمومي **** تكفى يا ابو متعب ترا الوضع مأساه الشاعر جزا البقمي[/align][/align][/align] |
ربي يعطيك الصحه والعافيه وبارك الله فيك وسدد على الخير خطاااك وربي يسعدك دووووووم ويزيل عنك الهموووووم وصح لساااااااااااانك جزا البقمي والف شكر السوبر بوح المشاعر |
oOo الله يكون بعوووونهم والله صدق الشاعر بكل بيت قاله :) ربي يسعدك Oo[mark=666666]جــوري[/mark]oO http://www.alraidiah.org/up/up/23549836520090224.gif |
[align=center]
قصيدة تعايش هم التعليم ومعلميه تسلم [/align] |
.
. وعليكم السلآم ورحمة الله وبركآته .. . . الله يرزقهم من فضله وكل تأخيره فيها خيره يا ربّ .. لك الشكر .. . . |
الساعة الآن 08:10 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.