منتديات الرائدية - سلّم على الطيب

السلام عليكم ورحمة الله وبركاته

تبعدنا الأيام والأماكن ،، وتجمعنا المحبة في الله

تحيتي لجميع الأحبة هنا دون ذكر أسماء.

سلّم على الطيب

يارايح للطيب ،، سلّم على الطيب
هو في محله ،،،، واوصله في محله

رجل يبادر ،،،، بالهلا والتراحيب
يضحك ،،، ولو في داخله ألف عله

قله عداك العيب يامعادي العيب
ياللي دروب المرجله مدهلله

يالذيب ،، لابالله يكرم عن الذيب
ياسيف لاضاق الزمن فيك سله

يالنادر الموجود،، ياسهل ياصعيب
ياشامخٍ ،،،،، كلٍ تفيا بضله

يوم إن غيره يكنز المال بالجيب
أنشهد إن المال عنده يذله

سجل غيره ماخلا من عذاريب
ومن الردى والعيب خالي سجله

سماح ،، ياراع الوفا والمواجيب
والطيب ،،، عصمان الشوارب تدله

يومه بغيرك يحضر الطيب ويغيب
عندك يابو متعب ،،،، فلاغاب لله

اقولها مالي وراها مطاليب
ولاخير في قولٍ بليا أدله

طرى عليه بيت يذكر عن الطيب
طرى واشوف البيت ،، هذا محله

(ماتستحي لاياقليل العذاريب
لو تستحي ماتاخذ الطيب كله)

يارايح للطيب ،، تنشد عن الطيب
واضح محله ،،،، في بريده محله