موظف التهميش
 

ياموظف التهميش ياللي تميدح
جيتك حسب عرضك ماهي رحلة طروش
صوتك بعد مااحتجت لك ماتصيدح
ياللي تقول انك على الفزعه تهوش
عرق الوفاء ماهوب فيك يتنيدح
مغشوش واللي نصبك فيك مغشوش
جعلك فداء للي زنوده تقيدح
واسمه سعود الخالدي وابن دعدوش
لاشاف رقمي يتصلبه تريدح
يفرح وراسه في مهماتي يشوش
يسدح نظام بواجبه ماتسيدح
صيته بفعله ناش غيم الفضاء نوش
من جاه من فنجال طيبه تقيدح
صدره مْن اجزال التراحيب مفروش
والا انت خلك فالنواقص تديدح
لاكاسبٍ طوله ولا صاعد عروش