|
التقاعد..!!
قبل تقرا القصيـــده... اذا عنــــدك طابعـه ع طــول اطبـع لك كـم نسـخـه.. وعـطها كـم واحـد ماباقي لهـم شي على التقـاعـد والاتوهـــــم متقاعـديـــــــــــن.. اتمنى تعجبـكم.. ------------------------------------------------- [poem=font="Simplified Arabic,5,purple,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"] ليت منهو وقع اوراق التقاعد=والاداره وافـقـت والهــم زاحــــي استلم كامل حقوقه والعوايد=سلم العهـده وغادر واسـتراحــي مانتظر حفلن توزع به شهايد=وصـور تذكـار مافيـهـا صلاحـــــي اكتبواله نشكرك خدمتك واجد=ونـتــمنى لك بدنيــاك النجاحــي صار من عقب ارتباطه يابوعابد=حـر مثـل الطيـر كفــاخ الجنـاحـي ماحداه الزام عن بعض المقاصد=لانــوى له ديــرة شــغل وراحـي واصلن غاليه ولربعه معايــــد=في اعياد الفطر واعياد الاضاحــي لا زمه يقضيه وبكيفه يواعـــــد=ما يراجـع ريسـه يبغى السماحـي لا اشتهى يرقد تخير بالوسايد=وان سهر ما هوجس بزام الصباحي والهدف عند العرب ماهو بواحد=كل رجـل له مـرام وله مشـاحـــي من يبي يقنص عساه يعود فايد=فيه بالمقنـاص رزق وانشــراحـــي لاذكر في صحصح نزل وطرايـد=قال هـيا مايقـول الصيـد نــاحـي ومن تنيشط حالته جدد بناهـد=ما فهـق لجـازته عقـد النـكاحــي وكان حاله ماش والا ما يساعد=ينسـدح ويكثـر مـن الانسـداحــي وكان شفه بالسفر ماهو بناشد=في بـلاد اللة مع السـياح ساحــي وخيرهم من كان في دنياه زاهد=يطلب الله بالثـبـات وبالصـلاحــــي بين مكة والمدينة والمساجــــد=دايـم دربـه عسى دربـه سـماحـي قايم بالليل للرحمن ساجـــــد =وكل ما نـادى المنـادي للفـلاحــي قلتها وانا اعرف ارضاء الناس كايد=ولاني بفارض على الناس اقتراحي والوظايف جمعت شتى البدايـــــد=من جميع النـاس مجنون وصاحـي فيهم الطيب عزيز النفس راكـــــد=عل يفـدونه مشافيـح شحاحـــي وفيهم الانـذال والرديــان تاجـد=خمـة دايـم سوالفهم صيـاحــــي دايم وجه الردي واللاش بـــــارد=ياعسى يمحـاه من دنيـاه ماحــي والحظيظ اللي يبي يطلع تقاعــد =دام به قـوة وقبل يقــال طـاحــــي[/poem] وتحياتي... |
:
: لــ الذوق .. ناسه ...! ولــ الحرف الراقي .. قلوب تحب الإستمتاع ... ! ولـ قدوم الرائعين .. روعة ....! لا يجدها .. إلا .. من .. يتابع قدومهم ..! بـ لهفة ..! :101: : : هنا ....! upstream .......! : : يقرأ .. مساحات التميز .. بــ ذوقه الجميل ..! ناحية .. ناحية .. ناحية ..! لـ يؤكد .. أننا .. لن نخطيء .....! إن نحن .. منحناه .. كل الود .. واللهفة .. والإنتظار ......! بـــ ترقب .. بالغ ..! القدوم ..! :101: : : أنت .. تدرك .. ! مدى ذاك الود .. والإعجاب الذي يكتنز نواف .. تجاه .. قدومك ..! المضيء دوماً ... بــ إشــراق ....! فــ لاتعجب .. لو قلت .. ! تطربني .. أنت ..! قسماً ...! : : لك كــل الغــلا ..! سلالالام ..! |
يعطيك العافية
بعد 18 سنه ارسل نسخة |
نواف الفهـاد..
اشكرك على ترحيبك الجميــل الذي لايستغرب من انسان مثل نواف الفهـاد....واتمنى ان اكـون عنـد حسن الـظــــــــن.. ابو سعــــود... ابشـر ولايهـمك النسخه توصلك..يعني توصلك..بس اخاف تنزل قصيده احسن منـها..بس مومشكله ارسلك القصيدتيـن..وفوق..خيـمه..عشـان تروح للـبر بعــــد التقــــاعــد.............فترة نقاهه..بداية التقـاعـد.........هههههه.. سعيد جدا لوجودكم في موضوعي.. واشكركم على ردودكـــــــــــــــــم.. تحياتي |
الف شكر يالغالي على القصيدة الرائعه
صح لسان الشاعر وسلمت على النقل الرائع تقبل مني كل الحب والاحتراااااااااااام |
اشكرك اخي على هذه الرائعه .. .. ..
التي اتيتنا بها اخي .. .. .. http://www.alfrasha.com/up/1190360456395213048.jpg |
وكان حاله ماش والا مـا يساعـد ينسـدح ويكثـر مـن الانسداحـي
وكان شفه بالسفـر ماهـو بناشـد في بلاد اللة مـع السيـاح ساحـي هالله هالله هذآ البـلآ ياعقـاب (: ،، الله يعطيكمـ الصحـه والعافيـه يآربـ ،، وسلمـت يدينكـ علـىى النقـل الجميـل ياغلآتـيىى ،، دمت بسعأده |
| الساعة الآن 06:27 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.