|
كنتاكي الخفجي والعماله
بسم الله الرحمن الرحيم
السلام عليكم ورحمه الله وبركاته امس الساعه 11:30 مساء طلبت بالتلفون من المطعم المذكور وعند قدومي لم تجهز تلك الوجبه فانتظرت لحين اكتمالها وعند انتظاري اخبرني العامل البنغالي ومعه المشرف المصري بان مشروب الببسي قد نفذ والبديل سفن اب فقط وطبعا مجبرا اخاك لا بطل رضيت بالامر الواقع وانا انتظر دخل شخص هندي او بنغالي (مهندس ) من شكله واضح يعني مو عامل والبنغالي انواع السوالف معه وضحك واخذ الطلب منه واخذ البنغالي يجهز بطلب المهندس وجهز الطلب وانا انتظر طلبي الي هنا عادي واسطه الواسطه فوق القانون لكن ان يفتح المكينه التي كانت لا تعمل امامي ويكبس علي الزر وتصب ببسي وانا انظر استحي المصري وقال لي بالحرف الواحد : بــــبـــــســـــيــــــي ياباشا رديت عليه ليش كذا فرق المعامله واحنا بديرتنا وندفع فلوس وكذا انا يقولي البنغالي ببسيي مافيه واذا جاء زبون هندي يعطيه ..؟؟؟ طبعا رجعت الوجبه ورفضتها واخذت فلوسي ووينك ياجواهر (بوفيه جواهر ) ؟؟؟؟؟؟؟؟؟ سؤال برئ جدا ..... يقدر يسوي كذا لو فيه حمايه مستهلك فعال ..؟؟ |
بالنسبه لسؤالك الاخير :
والله يخسي :) بس وش نسوي ماشيه بالبركه هي ,, وخلنا على مصايبنا لا تجينا الي الاكبر !! << سيول ولا حرب ولا زلزال ولا بركان << والسبب = ؟ |
اصلا منو هاللحين يشتري من كنتاكي الله يديم النعمة من اكلهم بس .. تشم ريحة الزيت المعفن المحروق من قبل لاتمسك الوجبة .. والا الطعم ياسلام ..
اقول اخوي انت الغلطان اللي للحين تشتري منهم تحياتي |
أخي بشاور من البداية كنت كبرت السالفة بغض النظر عن جنسيات العاملين و الزبائن لأن الحق أولى أن يتبع. و اللي سويته هذا أقل شيء مع مثل هؤلاء.
|
انا صـرآآحهـ
مـآآآ آداني اكل المطاعم خير شر الله يديم النعمهـ بس |
بشاور مساء الخير 000
اصلا منو اللحين يشتري من كنتاكي او أرنب شبعان الله يديم النعمة من هزيوت المعفن المحروق والاطعم وعماله بنقالية يصكم بخشمة ويقول شنو يبي 000000 |
[align=center]أنا قبل إسبوعين جيتهم وحاطين قدام الكاشير لوحة فيها وجبات وشفت وجبة ماييتي زنجر بـ 19 ريال وطلبتها وقالي 22 ريال قلت له هي بـ19 ريال قال هذه زمان , قلت له كل شهر ترفعون ريالين وثلاثة ريالات وزعلت عليهم ومشيت ورحت لكودو وياليتني ما رحت وجبات مبالغ في أسعارها وبعدها توبت أني أروح لكنتاكي وكودو .
لكن بالعفل كنتاكي أنا لاحظت كل فترة شهر أو شهرين تزيد أسعار الوجبات ريالين وأكثر , ومرة تعشيت فيه أنا وأهلي والله أني دفعت فوق 75 ريال على وجبتين [/align] |
بسم الله الرحمن الرحيم
السلام عليكم ورحمة الله وبركاته شكرا لجميع من مر بالصفحه والمطاعم شر لابد منه احيانا تجبرك الظروف ولكن من اللحظه هذي مقاطعه ان شاء الله لجميع المطاعم ومشكورين للردود |
الله يكون بالعووووووون
|
الله يعين عليهم ذا المطاعم كل مره نتوب مانروح لها ونرجع نروح لها .. بارك الله فيك...بشاور |
| الساعة الآن 01:50 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.