إختر لنفسك ( نصيحه )
بسم الله الرحمن الرحيم يسعدني ان اشارك بهذا المنتدى الشامخ وهذه اول مشاركه لي وهي قصيدة لوالدي الشاعر والاعلامي سالم بن حمدان المحيريق
( اختر لنفسك ) شعر/ سالم بن حمدان المحيريق الذي في احدى السنوات تعرض لوعكة صحية تنوم على أثرها بالمستشفى فوجد نفسه يردد هذه الأبيات الموجهة لأبنه الأكبر حمدان بن سالم ----------------------------------- يالله ياللي كل مخلوق يرجيه منه الفرج ياتي ومنه العنايه ربٍّ خلق عبده ويعلم خوافيه وينير للمسلم طريق الهدايه له الثنا والشكرمادام يرضيه واليا رضي عنّي فهذا منايه حمدان قم بالبيت لا غاب راعيه وافطن لمن هو يستحق الرعايه الرجل يُعرف موقفه من مباديه ويميّزه عند الرجال البدايه اختر لنفسك موقفٍ تفتخر فيه ترى الهدف لازم يوصلك غايه واخذ الطريق اللي هل الخيرتمشيه ترى طريق الخير ماله نهايه والا طريق الشر يودي براعيه في مهمهٍ خالي وراعيه تايه والواجب اللي يلزمك لا تخلّيه لازم يصير الطيب عندك هوايه الطيب والناموس والعز نشريه والضيف يحظى عندنا بالعنايه واحذر من الجاهل وبالك تجاريه بٰعدك عن الجاهل لنفسك حمايه سرّك على الأنذال ويّاك تبديه النذل يبني موقفه بالوشايه سايس لمور بكل حكمه وتوجيه ترى العلاج اخير منه الوقايه ليّام للرجال تخلف هقاويه لو حط له في كل مرقاب رايه من غرّته دنياه ملزوم ترميه وتعرّضه بقعا سهوم الرمايه واعرف ترى العارف يحقق معانيه والبيت مربوطٍ بساس البنايه أمّا ثبت والّا سقط فوق بانيه والّا تصدّع قبل وضع الطلايه هذا زمانٍ كاثراتٍ حصانيه يضحك وله وجهين مثل المرايه كم واحدٍ عذبات الايام تغويه مغرور في نفسه ويبغى الدعايه من كثر ما ياكل كبارٍ علابيه وش عاد لو جا له علينا ولايه يضن ما في الناس رجلٍ يباريه ويقول انا لا دُرت دارت رحايه ولا درى انّه تايهٍ في مماشيه وانّه على ما قال راع الروايه لا صار ما للرجل رايٍ يقدّيه لا خير في من لا يقدّيه رايه صلوا على اللي ينعش النفس طاريه على النبي في المبتدا والنهايه |
كلمات جميلة .. حكمة وموعظة صح لسان والدك أطال الله بعمره وسلمت على نقل هذه القصيدة |
ما أجمل نبض قلبك وتطريز قلمك
حروف نثرتها شفتاك وخطتها أناملك فلحنتها سطورك وغناها متصفحك وبثتها مشاعرك فاستقبلتها قلوبنا وتراقصت لها مشاعرنا وسعدنا بحضورنا واستمتعنا بعزفك الراقي |
ماشاءالله
صح لسان الوالد والله يعطيه الصحه والعافيه |
صح لسانك و لسان الوالد الله يطول بعمره
ابيات رااااااائعه جداً مدري كيف فات علي هالموضوع ما شفته قبل :frown::redface:yd.885 بإنتظار جديدك |
صح لسانه وربي يطول بعمره ويحفظه ابياات جميلة جدا ونصائح رائعة بوركت في جهودك لاعدمناك http://www.al-7up.com/vb/imgcache/2/16038love.gif |
رائع, الله يعطيك العافيه. |
الله يعطيك العافيه. |
شـكــ وبارك الله فيك ـــرا لك ... لك مني أجمل تحية .
|
الله يعطيك العافية |
الساعة الآن 04:04 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.