فوق النايفه
 

سلام ياللي له بيوت الشعر تبنى وتعنى
واختار لجله واتنقّى بالبيوت الكايفه

سلام ياللي وقفته تستاهل امداح وثنى
يرفع له التقدير والرايات فوق النايفه

خالد مْبارك بن ثواب اللي على فعله بنا
صيتٍ ينومس به بني عمه وكل الطايفه

مقدام من روس الرجال اهل المكارم والقناء
إليّا تعزووا في نويّر ماتوا المتحايفه

بين الخوالد حط له نارٍ تعلاها سنا
شيٍ اشوفه والاوادم مثل عيني شايفه

يسعى ويبذل لجل ابن عمه ونفسه في غنى
نفسه عن دروب الشوايب دوم نفسه عايفه

واضح مثل شمس النهار اللي صفاها مادنا
نزيهه له سيرة فخر والمجد فيها ضايفه

في طاعة الله منهجه ولغير ربه ماحنا
من خالقه قوة ضميره في سجوده خايفه

تمت وجزل الشعر للي يستحقه مافنا
مشاعري في مدح خالد ماتعبر زايفه