هـــــــــــل ترضى لأحــــد يفتش جــــــوالك؟
[align=center]ترضى أحد يفتش في جوالك ! وليــش ؟ ::
الجوال ( مستودع الأسرار )!! أصبح الجوال جزء لايتجزاء من حياتنا اليوميه مانطلع إلا بالجوال ومانقعد ولا ننام إلا مع الجوال غير عن أهميته المعروفه إنه جهاز إتصال صار يحوي أشياء كثيره منها المسجات والوسائط النغمات والشعارات و و و ...!! الجوال مثل السكرتير اللي يذكرنا بالمواعيد والساعات متى علينا محاضره وفي أي قسم والتقويم اللي دايم مانحط فيه التواريخ المهمه :إمتحانات ، مستشفى ، إجازة ..: والمنبه ( أهم شي المنبه ) اللي يرن الصباح وقت الدوام .. نحط على غفوه وهالغفوه 10 دقايق ومانقوم إلا إذا حد قال لنا :.. قومووووا دووووام متى بتروحوون... الملاحظ إن فئه عمريه معينه من سن الـ 18 إلى 25 أو 30 سنه يرفضون أي شخص يمد يده ويمسك جواله ودايماََ مايقولون ( لحد يلعب في جوالي ) !! هالجمله البسيطه تحوي معاني كثيره (ممكن تفسرونها ) ليش مانرضى أحد يفتش أو :يلعب: في الجوال هل هو الحرص عليه !! ولا من زوود المحبه !! ولا فيه شي خطير ماودك حد يشوفه أبد !! هل لهالدرجه جوالك خطير ماتخلي حد يقرا مسجاتك ويشوف قائمة الأسماء اللي بجوالك ولا يسمع النغمات اللي منزلها ولا يشوف كم فيديو إستعراض ولا فيديو كليب<<وهذا اللي مادري ليش يحطونه!! الأسئله كثيره والتساؤلات أكثر حول هالموضوع ماودي أطول عليكم بس أخليكم تفكرون وتجاوبون [/align] |
حياك الله يابو داغر ...
حوار على كيف كيفك ... ولي عودة ان شالله ... |
http://www.alraidiah.com/vb/uploaded/mals.gif
بالنسبه لي عاادي وما يهمني جوالي سبيل دائما بس فيه بعض الاشخاص ملقوفين بزياده علشان كذا يمنع انه يطالع بالجوال لأزيد غيضهم والا الامر عادي من ناحيتي http://www.alraidiah.com/vb/uploaded/mals2.gif |
صراحه بعض الشباب الله يهيديهم ...
يحط بجواله حاجات مي زينه وهي الي تخليه ... مايخلي احد يفتش جواله ... وبعض شباب ... كذا من ربك جواله مافيه اي حاجه تخليه يرفض انك تفتش الجوال ... والناس تختلف وانا اخوك وانا عن نفسي صراحه بعض مرات اضيع جوالي بالبيت ... ومثل ماقالت حنين جوالي سبيل كل شوي بيد واحد .. يعطيك العافيه ابو داغر ... |
[align=center]
اقتباس:
اقتباس:
يعني اللي يفتش جوالــي أعتبره أقتحم خصوصيتي . بس متطفل مثل بو عبدالله صاحبنا مافيه:biggrin: ومسموح له إذا وجد جوال مو بيد صاحبه يفتشه . الله يعطيك العافية أبو فتـــــون ,,,,[/align] |
يعطيك العافيه
بالنسبه لجوالي عادي ما يهمني شدعوه في اسرار الدوله بس وربي الي يقرب على لاب توب فيها قبايل والدم للركبه ويسلموووووووووووووو ولك :101: |
جـــزاك الله خــــــــير
والمنبه ( أهم شي المنبه )
اللي يرن الصباح وقت الدوام .. نحط على غفوه وهالغفوه 10 دقايق ومانقوم إلا إذا حد قال لنا :.. قومووووا دووووام متى بتروحوون... يعطيك العافيه على الموضوع الجيد جداً ... بس أخوي عندي شي بنوه عليه وترى الدعوه مافيها زعل ؟؟ [glow=3333FF]انت ذكرت... إن المنبه مهم علشان أنه يصحيك للدوام !!![/glow] ونسيت الأهم من ذلك ألا وهي {{ الــــصــــــــــــلاة }} هداك ربي ووفقك لكل خير .. أخوك المحب مـجـــــروح |
[align=center]ياهلا وغلا فيك..:حـاتمـ الداغر::..
من ناحيه سؤالك انا ماأمنع احد يفتح جوالي ... دائما جوالي متنقل متعود على السياحهـ :biggrin: بس الاطفال ماحبهمـ يمسكونه الا بعد أذن مني :cool: ومن ناحيه فيه اسرار وشيء من هذا مافيه شيء علشان كذا مانزعج لاحرمنا من اختيارك ولاتحرمنا من مشاركتك في هذا الموضوع رووان [/align] |
[align=center]مشكورين على ردودكم الجميله
أخوي مجروح ما فيها زعل بالعكس وبعدين انا تطرقت لموضوع الدوام بس وما نسيت وقت الصلاة لأن اللي يبي يجلس للصلاة يجلس من غير منبه أخوي عجاج مشكور على ردك وبعدين صاحبنا ابو عبدالله ما يفيد معاه الا قفل الحماية المركزي أو تخليه بجيبك هههههه اسلم عليكم جميعاً [/align] |
بارك الله بك , شكراً أخي الكريم
|
الساعة الآن 07:56 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.