منتديات الرائدية - التجوّل ماهو مسموح

مازال البلد فيه التجول ماهو مسموح
معَ كل شهر الصوم وايام الاعيادي

وانا شف بالي ذبة الرجم ياممدوح
ولو ذبته سلوان ماتحقق مْرادي

يقولون كورونا على اخر رمق ويروح
واشوفه تفشى والمصابين تزدادي

احسب الكلام اللي يقولون عنه مزوح
واقول السوالف فبركة وامرها عادي

لكن نبذة الواقع تزيد الجروح جروح
عسى قصة الخفاش ماعاد تنعادي

حزينه شوارعنا خلت ياحمام الدوح
ولاعاد فيها غير ضباط وافرادي

فقدناك يالسجه وشوف البروق تلوح
عوضهن مابين اجدار واجدار مقعادي