|
كلية الخفجي وما ادراك ماكلية الخفجي؟
بسم الله الرحمن الرحيم
ابي اشرح لكم وضع كليتنا باختصار اولا:النظافة الله يعزكم ويكرمكم الاوساخ والغبار معبية المكان غير فضلات الحمام والقطط ثانيا:نظام الدخول مايفتح الباب الا متاخر ويفتحونه بعد ماتتجمع العالم كلها وتعال شوف لاتفتيش على الجوالات ولاشي كل البنات معاهم جوالات كاميرا والله يستر على حريمكم من بنات الحرام ثالثا:قلة المدرسات وخاصة في قسم اللغة الانجليزية تخيلو قسم واقف على 3مدرسات فقط !!!!! وقبل كم يوم جات وحده من خريجات السنة الماضية تبي تقدم قالولها مكتفين غيرهذا خذعندك المعاملة الزينة من المصرية اللي بقسم الانجليزي( ??? )لما سالوها البنات عن نظافة الكلية قالت اعملكم ايه؟هي الكلية كدا وسخه مثل البلد الي انتو عايشين فيه والاخت عليها شكاوي لانها تاخذ رشاوي من البنات وتبيع الاسئلة لهم ولابعد تنصح صديقاتها المصريات وتقول انتو لازم تحركو وضعكو وتستفيدو من الكلية ديه ويشهد علي ربي اني اقول الحقيقة وماابالغ في كلامي وماخفي اعظم!!!!!!!!!!! |
لا حول ولا قوة الا بالله ....
|
اما الباب نموت حر وتنسد انفسنا من الدراسه على مايفتحونه حبسي الله ونعم الوكيل
والمكيفات تصب ماء على الطالبات وماشفت صار شي وش يستنون تغرق القاعه ونظام هاالكتب اللي طالع كل كتاب اغلى من الثاني وفي ناس ماتقدر على المبالغ هاذي في وحده من زميلات اختي وصل المبلغ حق الكتب اللي شرتها 500ريال وتقول هذا نص الكتب مو كلها بعد حسبي الله ونعم الوكيل على كل ظالم |
الى متي وكليه الخفجي بهــذي الصووووووره
الله يكووون بعونكـ |
الله يعينكم
مافيه ولي امر عنده الجرأه ويوصل الكلام هذا للمحافظه او حتى عن طريق برقيه تنهي الازمه او حتى تزعزع الوضع ولو لفتره ؟ |
لا حول ولا قوة الا بالله الله المستعان
|
الله يستر بستره ويوفق بناتنا من دون المصرية (الوسخة)
|
اقتباس:
هناك مخالفات كثيره تحدث داخل الكلية .. لا يعلم بها إلا العاملين والدارسين بها .. فأنتِ الآن كتبت ما يحدث في كليتكم .. ونحن بدورنا سوف نقوم بايصال ما كتبتِ للمندوبية ( السبت بإذن الله ) ولك فائق التحية ،، |
حبيبي ابو رائد ... صبحك الله بالخير ... اترك المندوبيه على صوب ما عادت الكليات تتبع المندوبيه , فقد اصبحت تتبع التعليم العالي , وعندما تذهب للمندوب وتشرح له الوضع سوف يوهمك بانه سوف يتدخل لحل المشكله الا انه لا يملك الحل فقد خرجت الامور من ايديهم منذ نهايه العام الماضي لذا لا تتعب نفسك . المندوبيه فالحين بشي واحد بل ومتميزين جدا فيه الا وهو تزيين مكاتبهم التي تفوق مكاتب الوزراء فخامة مع ان الموظفين الرسميين فيها ثلاثة والباقي على بند العمال والمستخدمين .
|
مشكوره يا اخت سعاد على الموضوع . وترا يا خوات واخوان اللي تفضلت فيه الاخت سعاد ماهو الا نقطه في بحر عجايب كليتنا اهم شي الاداره وحنا ادارتنا زفت تصدقون ان العميده لما اسالها عن اي موضوع او قانون تروح تسال الاستاذه اللي عنده ويعني هي بس شكل على الفاضي انا بعرف شلون يخلونها عميده وهي ماهي قادره تضبط الكليه ؟ والله الكليه سايبه وكل واحد بواااااااادي... والضحيه الطالبات. شرايكم ان عندنا قانون من القوانين الجهنميه يقتضي رش الصبغ البخاخ على بلوزه الطالبه اذا خالفت باللون ... 1)بنت تركض بالساحه بكل سرعتها وموظفه الامن تلحقها بالبخاخ امام جميع الطالبات 2) بنت محشوره بالزاويه وموظفه الامن ترش عليها البخاخ وش يذكركم فيه هالمنظر؟؟ هذي مواقف ع الطاير والشي اللي يقهرني دائما هي النظره الدونيه من اغلب المصريات يروح وقت المحاضره وهي تمدح بنفسها انا وانا.... انتوا السعوديين مش فالحين الا بالاكل والمكياج..فيه استاذه عقدتها تشوف وحده و كاشخه ما تخليها طول المحاضره وغير وغير هذا غير الواسطات اللي عيني عينك ابسط شي موظفات الامن يفتحن الباب قبل نهايه الدوام للي تعرفها وتخليها تطلع اما حنا روحي جيبي ورقه ... والله انها افتحت الباب لوحده قدامي بدون ورقه ولاشي .. اذا كنتي صديقه وحده من الامن البسي على كيفك وجيبي جوال بلوتوث واذا تبين جيبي اي غرض وهي تغبيها بغرفتها بعد... واذا لم يحالفك الحظ في كسب ود ام ... او أم... فابشري بالمرمطه كل صباح والى حقائق اخرى باذن الله |
| الساعة الآن 02:51 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.