أزمة كورونا
 

بعض الرياجيل في ازمة كورونا غبي
وده يصافح بكفه والخشم بالسلام

والناس في وضع فعله رافضه ماتبي
لكن على النصح عيا لايفيد الكلام

هو يحسب انه على بحر المعرفه نبي
مايدري انه صدى للصوت وسط الظلام

سياسة اهل القطيع اللي تربي صبي
ماربت اللي على طاعة صلاه وصيام

مسلوب فهمه عن امجاد الثقافه سبي
ومعشعش الفكر بالدنيا حياته عدام

يركض يهرول ويمشي واخرته يحبي
شرواه بالمجتمع ماهو على مايرام

واللي مايدري عن اللي يرفض وعن يبي
ماله بدايه مع التعداد والا ختام

والذيب من خلقة الدنيا ماخاوى ظبي
والثور ماله سوات الابل طالع سنام