|
مكتب العمل بالخفجي
بسم الله الرحمن الرحيم
أخواني العاطلين هل من منكم ذهب إلى مكتب العمل . هل وجدا وظيفة تنتظره هل قدمو له العون هل بحثوا له عن وظيفة بلا تجد المكتب مقفل بعض الأحيان مكتب التوظيف وإذا أتيت إلى الموظف وقلت له هل توجد وظائف يرد عليك ببروده لتوجد وظائف (( مرنا بعد يومين أو أسبوع)) وهذي المسائله تتكرر عند مكتب العمل ... إلى متى يضل شبابنا عاطلين عن العمل إلى متى هذه المهازل التي لم تنتهي .. اقسم بالله العلي العظيم انه يوم الأربعاء 22/ 8 /2007 م ذهب احد الشباب وهو كبير في العمر ولم يحصل على وظيفة ذهب إلى مكتب العمل لكي يبحث عن وظيفة براتب 1500 أو أي راتب يسد حاجته ... قال له الموظف أسف اخوي لتوجد وظائف .. إلا حارس عمارة ولابد انك تحمل شهادة الدبلوم الثانوي (( حارس عمارة طيب لماذا يحتاج إلى شهادة دبلوم )) واحد من الشباب ذهب الى مكتب العمل يبحث عن وظيفه ووجد وظيفة في بنشر الخليج بالله عليكم هذي وظيفة والرابع وجد وظيفة مخبز العبادي (( مدري يبونه يخبز ولا يعجن )).. هل أهل الواسطة لتوجد لهم وظائف في مكتب العمل او أي دائرة حكوميه لابالعكس أذا أتتهم الواسطة .. طلعت جميع الوظائف لدى موظفين مكتب العمل والمسكين الذي لم يعرف احد الواسطة يجلس في بيته هل هذا الشاب الذي يجلس في بيته لم يفكر بالزواج ولم يفكر بسيارة جديدة ... البطالة هي السبب في ضياع أكثر الشباب ... زوجوا الشباب وظفو الشباب.. |
هذه الخفجي لا تتغير أأأأأأأأأبدا
|
مو عالخفجي بس كل مكان يعني انا لما كنت ادرس واشوف هالناس البطاله استغرب ليش مايطوروا انفسهم عشان يكون لهم اولويه في المفاضلات اللي كنا نسمع عنها وشديت حالي وضغطت نفسي عشان يعني لما تتخرج بمعدل ممتاز مع مرتبه شرف وانت توك متخرج ومعبي السيره الذاتيه شهادات حاسب الي سكرتاريه برمجه لغويه رخصه دوليه بالحاسب دورة علاقات عامه شهادات تدريب دورات رعايه صحيه وتقول انا مجرد ماراح اقدم اوراقي على طوول مقبوله وتنصدم انك تدور بملفك الاخضر العلاقي الغير قابل للاسترداد ومحد معطيك وجه ولما تروح الديوان تبتسم لك وتقول ناخذ بس شهاده البكالوريوس والباقي لا ليش ماتاخذينه ياستي تقلك ماخذته في سنوات الدراسه مايحسب
|
أي واسطه يا عمي شوف البنقاليه والهنود بالشركه عندهم واسطات الدنيا
هي واسطه وبس .. أقول حبيب قلبي كلها كم يوم بس وراح تشوف العجب العجاب راح يتم توظيف كم قطو . . . . أسف قصدي كم فلبيني بأحد المقاولين بالشركه أعمال مكتبيه وأبن البلد يترزز بالديوانيات وبمكاتب العمل ينتظر شباك التوظيف يفتح . . وأقرب بنشر أو عماره والله شي يقهر يا شيخ.. قبل سنه ونص وظفوا واحد معنا بالقسم ..((((( هندي حطوه مهندس.. ماغير يهز راسه)))))))) راتبه 13,000 ريال .. أقسم بالله العلي العظيم وبكتابه المبين وبصراطه المستقيم يا جماعة الخير انه فااااااااااااااااااشل والشغله حقته وشي ما غير يفرفر على المقاولين بالمنطقه الجنوبيه ويشوف العمال الي لابس على راسه سيفتي هلمت واللي مو لابس سيفتي شوز ( حذاء سلامه ) واللي يلحم بدون قلفز ولا نظارات لحام وشغلات أمن وسلامه بس والله أي واحد يتقنها يا جماعة الخير وأفضل منه بعد ورب المصحف قسم بالله أنه جيد بصور الخلاعه وأفلام الخلاعه بس .. على شان ما اظلمه يعرف يتكلم انقليزي ويهز راسه صح .. وفيه حركه حلوه مسويها على ابهام يده اليمنى او اليسرى ( حاط صليب على كيفك لونه أخضر> وعنده دوام الخميس ولا عمري شفت وجهه من ((ص. الزويد)) فورمن عندنا قايل له لا تداوم الخميس وأبو هناد صدق عمره ما عاد جاء ولا يوم .. وعمال أبو عرب السعوديين مكروفين ليل نهار بالشموس والراتب 2200 وأي تاخير خصم ويا ويلهم ويا سواد ليلهم إذا ما داوموا الخميس يمكن يجيهم إنذار لو أمهم داعيه لهم وإلا يفصلون عالعموم راح يتوظفون الفلبينيين عن قريب ولا تقولون أبو خالد ما قال وكالعاده رايحين فيها ويتحمرون ويتكحلون ويتميلحووووووووووووووون وبالتوفيق للجميع .. |
نسال الله التوفيق لكل الخريجين وان يحصلون وظائف زينة تناسب مستواهم اخوكم سلايتر الصقر
|
غرك زمانك والله والله والله اني اعرف موظف في مكتب العمــل شهــريا يستلم
رواتب من كم شركة على شأن مايتعطل شغــل الشـــركــه |
وش افقر هالبلد غير هالعماله الاجنبيه اللى تستنزف خيراته بالمشروع و غير المشروع و تحول هالخيرات للخارج. الاجنبى مطلوب فى الاعمال اللى تتطلب خبره و تخصص مو متوفره فى البلد .. بس عندنا الوضع غير .. وبدون مبالغه 1 سعودى يقابله 5 اجانب فى اعمال ممكن اى شخص يقوم فيها. وبعكس الاجنبى, السعودى ينفق ماله فى البلد.
|
يعطيك العافيه على إهتمامك
بس من يسمع الصوت ويتحرك اللحين الواحد مايدور على الوظيفه صار يدور عن الواسطه قبل الوظيفه وبغض النظر عن الوظيفه وهل هي مناسبه أو لا ليه مايصير مكتب العمل هو الواسطه مع أن هذا شغلهم لكن مالكم إلا الله هو اللي يرزقكم أدعوه وأرضوه عنكم ومالكم إلا التوفيق بإذنه تعالى بعد ماتسعون في طلب الوظيفه وخلوا اللي نايم على نومته لا تزعجونه . |
| الساعة الآن 09:50 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.