البس المشلح
 

البس المشلح وياقرب المعشى
عارفينك عند خلق الله مقصه

قبل كورونا سلالاته تفشى
والمدارس مابعد صارت منصه

وانت جسرك في دروب الطيب هشى
تجحد المعروف وسلومك تغصه

مالك اللي تكسبه مهما تخشى
كل مشروعٍ ينفذ وانت لصه

وجبةٍ فيها الحمام اللي محشى
طلعت صيتك مره واسم ترصه

جعل نوٍ يمة الساجي تنشّى
ينسكب طشه على منزال حصه

عيطموسٍ حبها فيني تمشى
دونت في عالمي بالحب قصه

الشعر من فوقها ليلٍ تغشى
وجهها مثل القمر ماهيب نصه

حشّت اقصى خافقي بالهجر حشى
مثل حش الزرع والحاصد يقصه