منتديات الرائدية - الذيب الأول

باسباب كورونا حِجِز فالح عضيب
اصبح مروره بالمنافذ صعوبه

بين الصباحيه وبين النويصيب
يسبر شروق الشمس واخر غروبه

ماعاد حوله نايفات ومراقيب
يمشي وخطوات المسير محسوبه

شوف النعيريه وحرش العراقيب
من دونهن كل الدروب محجوبه

واخبار منهومه ولينه مناديب
ياخذ ويعطي علمهن في قروبه

ماعاد له حيلة وساطه وتهريب
كل وطنٍ يمنع ويمسك شعوبه

والذيب الأول فيه دونه عوى ذيب
والروس مع كل اتجاه معصوبه

والا انت رمز ومن رجال المواجيب
وافي ولك قومٍ ماهي بمغلوبه

هواجرٍ تعرف مايحتاج ترتيب
من روس هامات قحطان العروبه

بني ارحبوا للضيف كسابة الطيب
للجار ريف وللمعادي عقوبه