|
الرجاء عدم الاحراج والنساء من الباب الخلفي
http://www.alraidiah.org/up/up/21785024120080804.gif
السلام عليكم ورحمة الله وبركاته يسعد ربي جميع اوقاتكم بالخير والمسرات اولا حبيت اقول رغم انني كنت عضو سلبي في الفترة الماضيه مع العلم ان الواحد يفخر ويتشرف بالانتساب لهذا الصرح الشامخ ادامه الله ذخرا لاهالي الخفجي . ومما اثارني اليوم لكتابة هذا الموضوع هو اللي شفته اليوم الصبح لوحة تعلي باب الوحده الصحيه بالشماليه . لكم الصور اولا http://www.alraidiah.org/up/up/21785024120080804.gif http://www.alraidiah.org/up/up/21785075520080804.jpg ياجماعة الصورتين اليوم التقطتها بجوالي ووقفت اتسال وش الهدف من التحذير !!!!! عجب والله عجب !!!!!!!! خلونا نتسائل ونجيب عليه ونشوف وش نوصل له لعلنا نعذر مَن امر بوضعها ؟ السؤال : لماذ النساء من الباب الخلفي ؟ ولنفترض ان النساء توجهوا من الباب الخلفي هل يوجد عيادات وغرف تطعيم غير اللي نعرفها ؟ ياجماعه الاستقبال واحد وغرفة الدكتور وحده وكلكم تعرفونها حتى بالرقم غرفة الدكتور رقمها 3 وغرفة التطعيم رقم الغرفه 4 يعني النساء لو دخلو من الخلف راح يجون للاستقبال اللي هو بالاصل اول غرفة تواجهك من المدخل الرئيسي اللتي وضعت عليه لوحة التحذير . يعني وين اذنك ياجحا :D طيب : انا اجزم كل اللي يروح للوحده الصحيه بالشماليه للتطعيم فقط يعني فوق الـ 90% من اللي يزورها فقط للتطعيم .يعني لازم تاخذ ام العيال عشان الورع الصغير يطعمونه . ياناس لاتشرهون علي بالموضوع يمكن البعض منكم يقول عادي وش فيها . بس انا مندهش من التصرف الغير مبرر نهائيا لوضع الافته فوق الباب . هل من الممكن ان المدير العام مايبي النساء يمرن من قدام بابه .( انا مالقيت غير هذا السبب ومن اجله وضعت اللوحه التنبيهيه فوق باب المدخل الرئيسي ) اترك لكم الموضوع بين اياديكم وانتظر تعليقكم . [align=right]:::: مخرجـ ::::[/align] تهقوووون ماعندي سالفه والا اللوحه كانو بيحطونها على باب ادارة المرور او الاحوال المدنيه ولكن الهندي هز راسه وحطها باقرب مكان شافه << هندي من اصل سوداني :biggrin:........ تقبلو فائق احترامي اخوكم ابو نفوله << فديتها |
السلطاني ... حياك الله ... ملاحظة جديرة بالوقوف عندها وتسجيل نقطة اعتراض ... وأنا أؤيد رأيك تماما ولا مبرر لوضع لوحة سخيفة غير مجدية مثل هذه .
|
غريبه ..!!
ما الهدف من اللوحه ..؟؟؟ مع العلم ان مداخل المستشفيات في كل مكان وحده وحتى نعرف السبب .. تبقى علامة الاستفهام موجوده والمشكله ان علامات الاستفهام في الخفجي كثيره.. متى نحصل على إجابات .. شكراً اخوي السلطاني لنقلك هذه الملاحظه |
يعطيك العافيه اخوي على نقل هذه الملاحظه..
لكن العباره تحمل عنوان :( الرجاء عدم الأحراج والنساء من الباب الخلفي.) ربما هذه العباره يقصد فيها عامة كل مراجعين المستشفى رجالا ونساء لعدم أحراج الأطباء والعاملين في المستشفى والتسبب في الزحمه وأعتقد أللوحه وجدة منذ فتره قديمه عندما كان الأقبال على هذا المستوصف في السابق بزدياد أو حين الزحمه وأعتقد أنها وضعت هذه اللوحه فترة أغتصاص المستوصف بالمراجعين والسبب ضيق مساحة هذا المستوصف أما لكون النساء من الباب الخلفي فذلك للحده من تخفيف الزحمه ولجعل النساء بعيدين عن أعين الرجال لتلافي المضايقات وأحراج الأسر والترتيب في المستوصف.. وجهة نظر.. تحياتي لك واشواقي.. :101:اخوك نايف عايد |
تهقون وش الساعه الي جنب تحذير؟
|
الزنكلوني ... حلوه حلوه منك .
|
يا هلا بك يا ALSULTANI
وحياك الله معنا في منتدى الرائدية وإن شاء الله نشاهد المواضيع الايجابية دائما بالنسبة للوحة .. أنا والله ما شفتها ولكن اذكر أن تسجيل النساء اصبح داخل القسم النسائي وأن الباب الخلفي يدخل مباشرة للقسم النسائي .. لذلك تم التحذير من الدخول من الباب الرئيسي لأنه أصبح مدخلا للرجال فإذا كانت اللوحة موضوعه من أجل عدم الاختلاط فهذا أمر طيب جدا ولكن اذا كانت فقط لوحة خارجة وفي الداخل اختلاط هناك تكون علامات التعجب ! ! ولك التحية ،، |
الزنكلوني ..... خطيير انت وتركز عدل
بصراحة حتى أنا عندي نفس السؤال !!؟؟ النساء من الباب الخلفي .... وين حنا داخلين بيت ولا مستوصف...! يعني الحريم يدخلن من باب الحريم يابعد حيي !!!! |
الزنكلوني
تجنن حلوووووووه منك ابو نفوله اوافقك الراي حركه مالها داعي شنو النساء من الباب الخلفي ..... واذا صج لنفس السبب اللي ذكرته فالمدير ماعنده سالفه وشايف نفسه !!!! |
نريد موضوع يفيدنا جميعا مو للضحك والسخريه وركزوا مواضيعكم على البلديه والاحوال والاماره والمخدرات التي لم يتطرق لها أحد والكثير والكثير
|
| الساعة الآن 07:00 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.