|
أبناء العوائل المحافظة والغير محافظة في نظر عبرود
[align=center]
بسم الله الرحمن الرحيم السلام عليكم ورحمة الله وبركاته أما بعد اعتذر عن كتابة الموضوع باللغة العامية لأني بصراحه ما اعرف اكتبه بالفصحى طبعاً أنا سواق لليموزين وبحكم توصيلي لبعض العوائل أشوف بعض أبناء العوائل المحافظة وبعض أبناء العوائل الغير محافظه هداهم الله وأقصد بالعوائل المحافظة أي المحافظة على العادات والتقاليد الإسلامية أولاً الأولاد فسبحان الله تشوف العائلة المحافظة إذا ركب ولدهم معي قدام يصير هو اللي يدلني على المشوار وهو اللي يحاسبني على قيمة المشوار وهو اللي يناقشني على مسار المشوار وسبحان الله مع انه صغير في السن بس تحس ان اللي راكب جنبك رجال وتشوف أسلوبه وتعامله تعامل رجال ومظهره ولبسه وقصة شعره مثل الرجال وإذا مرت بنت من قدامه تشوفه ينزل عينه في الارض أو يصد عن البنت لين تروح أما العائلة الغير محافظه هداها الله تشوف ولدهم بعض الاوقات يصير ركاب جنبي قدام وبعض الاوقات يصير راكب في الخلف جنب أمه أو اخته وتشوفه ساكت ومستحي ولا يقدر يتكلم معي ويتمنا يقول شي بس يخاف ينحرج وتحس والعياذ بالله انه مثل البنت وتعامله مثل البنت ومظهره ولبسه وقصة شعره مثل البنت والعياذ بالله وإذا مرت بنت من قدامه تشوفه يطالع فيها بنظرات خبث ويجلس يبتسم ويتميلح قدامها لين تروح وإذا أنتقدت العائله الغير محافظه عن الوضع اللي عايش فيه الولد قالو لك مو شغلك خل الولد يستانس وخله يعيش يومه وخله ينبسط لا تعقد الولد ولا تعلمه الخشونه خل الولد يكون قلبه حنون وخله يصير برستيج وخله يصير حياطي (دلوع) ههههههههههههههههههههه استغفر الله العظيم وللأسف الشديد ما يدرون أن الوضع هذا اللي فيه الولد يسبب له ضرر في المستقبل واقصد في المستقبل إذا تخرج من الجامعه أو من الثانويه وأشتغل وتزوج وصار بعيد عن أهله والله العظيم ثم والله العظيم حياته بتصير صعبه مرررره وبيصير مثل الخروف لا يقدر يتحكم بزوجته ولا يقدر يسيطر عليها ويمكن يوصل الوضع إلى الدياثه والعياذ بالله وحتى تعامله مع الناس يصير شاذ وغريب وفيه بعض الغباء ثانياً البنات سبحان الله إذا ركبت بنت العائلة المحافظه تشوفها ساكته ومستحيه ولا تسمع لها نفس وتشوف لبسها فيه حشمه ووقار وتكون دايماً متحجبه مع انها صغيره في السن وإذا مر من قدامها شاب أو ولد في عمرها تشوف نظراتها للأرض وفيها خجل أو انها تصد عن نظراته أما بنات العائلة الغير محافظه هداهم الله تشوف بنتهم لسانها طويل وعليها أسأله بجيحه ولبسها والعياذ بالله يفشل وفيه بعض الوقاحه ودايماً شعرها طالع أو تحط عليه برنيطه وهذي برنيطه خاصة لشباب وفي اكثر الاوقات تشوف قصة شعر البنت كأنها قصة ولد وإذا مر من قدامها ولد أو شاب تجلس تطالع فيه من فوق لتحت وبكل بجاحه وبعض الأوقات توصل النظره إلى غمزه والعياذ بالله وإذا انتقدت العائلة الغير محافظة عن الوضع اللي عايشة فيه البنت قالو لك مو شغلك خل البنت تنبسط وخلها تستانس ياخي صغيره في السن مافيها شي اذا لبست كذا واذا حطت كذا ياخي لا تعقد البنت وللأسف الشديد ما يدرون أن الوضع هذا اللي فيها البنت يسبب لها ضرر في المستقبل وأقصد في الستقبل إذا تزوجت البنت والله العظيم ثم والله العظيم ان علاقتها مع زوجها تصير متوتره وتكون ملسونه على الزوج أي لسانها يصير طويل على زوجها وتحب تكون مسيطرة على أمور الحياة الزوجية وبعدها تربي أبنائها على عادات وتقاليد فاشلة للأسف لذا اقول كلمه للعوائل الغير محافظه أتقو الله في تربية أبنائكم فوالله العظيم يمكن بسبب سوء تربية ابنائكم تدخلون النار والعياذ بالله اللهم ياهادي المظلين أبعد عن ابنائنا المعاصي والفتن مثل ما باعدت بين المشرق والمغرب إنك سميع مجيب الدعاء هذا والسلام العليكم ورحمة الله وبركاته محبكم في الله وسائِق الليموزين / عبرود[/align] |
وعليكــم الســـلام ورحمــة اللــه وبـــركــاتـــه ,,,,,
اقتباس:
اللهـــم آآآميــن ... آآآآآميـــن .. يعطيـــك العــافيـــه يــاعبـــرووود عـــلى سلسلــة مقــالاتــك الــرائعـــه مـــايمـــديـــك تنــزل المــوضـــوع الا نتحمـــس للمــوضــع اللـــي بعـــده ونتحـــراه ... يعجبنـــي ســـردك للقـصص وتفـــاصيلهـــا وطيبـــة قلبـــك واضحـــه ... اللــه يـــرزقـــك يـــاعبـــروووود ويـــوفقـــك لكــن قلــي أنـــت متـــزوج ؟؟ عنـدك عيـــال ؟؟ (( هــذا خــروج عــن المــوضــوع اسمــح لــي فيـــه )) ســــــــــــــــــــــلاااااااااااااااااااااااااا ااااااااااام :101: |
اللهم آمين
ههههههههههههههههه ايه من جد كلام سليم خالي من العيوب ... :101: |
يعطيـــك العــافيـــه يــاعبـــرووود عـــلى سلسلــة مقــالاتــك الــرائعـــه
|
اقتباس:
والله يكفينا الشر يبناخي ... تسلم يمينك وننتظر جديدك... |
الله يعطيك العافية يالغالي
وجزاك الله كل خير |
عزيزي عبرود .. تفاصيل دقيقه ذكرتها .. لا يتقنها الا ممن تدور حوله .. فجزاك الله كل خير .. كلمات تخرج من قلب ناصح دااعي للخير .. ننتظرك من جديد .. دمت لنا يالغلا .. |
[align=center]
التربية والنشأة مهمة في ظهور مجتمع محافظ ومستقيم .... الله يعطيك العافيه على هالمقال الحلو .. [/align] |
http://www.alraidiah.com/vb/uploaded/mals.gif
كل مقال اروع من الثاني ياعربوود سرد رائع وتفاصيل اروع تتحفنا كل مره بما تكتب ننتظرك بكل حماس http://www.alraidiah.com/vb/uploaded/mals2.gif |
[align=center]
بسم الله الرحمن الرحيم السلام عليكم ورحمة الله وبركاته اما بعد احب ان اشكر كل عضو وكل قارء تم مروره على موضوعي المتواضع وإن شاء الله وجدتم فيه بعض الفوائد الاخ العزيز أحمد : بصراحه انا عزوبي بس عندي عيال اخواني طبعاً اخواني اصغر مني بالسن و عيالهم مثل عيالي وهم فيصل وغاتر وعبدالمحسن وصهيب وان شاء الله يجتمع معهم ابني الحقيقي سعد سواء في الدنيا أو الجنة الاخ أو الاخت حنين : تشرفت بمرورك وبس الله يجزاك خير اسمي عبرود وليس عربود هههههههههههههههههههههههههههههه هذا والسلام عليكم ورحمة الله وبركاته محبكم في الله وسائق الليموزين / عبرود[/align] |
| الساعة الآن 02:19 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.