منتديات الرائدية - تقدير ومعزه

تقدير ومعزه

مجلسٍ مافيه تقدير ومعزه
حالفٍ موُقف زياره عند بابه

كل متردي على المركى يرزه
لكن الطيب مايلقى به مهابه

عشت بالدنيا ولي كفٍ منزه
والخطا والصح ماهن في تشابه

رافعٍ نفسي وكم شيٍ تكزه
مثل نفس الحر ونفوس الذيابه

والمراجل عند بعض الناس فزه
مامصادرها مواجيب ورحابه

كاشف اللي بس له راسٍ يهزه
بالشدايد مايجمّل في خطابه

فزعته ماتنوجد في كل حزه
مايساند لابعيد ولاقرابه