شعاع الشمس
 

ياشعاع الشمس ماواجهت فيّ
فيّ .. ظل ومات نخّله وتمره

ماشحني عشق ريم وعشق ميّ
والشهر نصفه ماراقبت قّمره


تطوي الدنيا حصيل الناس طي
مافلح رجال وابليس اومره


من يعيش الشك مااسميه حيّ
من صفات الشك كم شخص ادمره


وانت ياللي لافطين ودوم عيّ
عارفك بالوقت مافيك ثمره

تلوي المعنى عن المفهوم ليّ
وانت ماعندك بياض ولا اسمره

واعتبرني رسميٍ في كل شي
الزم حدودك ولابه غشمره


خذ مثل غيرك من الشرهات كيّ
دام فعلك مااحمى اسمك وعمره


زبدة القصه على الموضوع هيّ
انت رجل وحاشمك سبة مره