منتديات الرائدية - رسالة معيان

رسالة معيان

ياضيقةٍ بالصدر قامت تدرّج
في لحظةٍ جتني رسالة معيان

صار الطريق المستقيم مْتعرّج
حزين والخفجي غدى جوه احزان

حزني على الزعبي ماغيره مفرّج
ابوالكرم وابو الصخا وابوجفران

مات ومعه مات الفرح والتبرّج
يبكي على فقده رجالٍ لهم شان

ماذكر بظهور الاوادم تهرّج
ماقيل كدر خاطر فلان وفلان

مع زعب ماهو من وقف ويتفرّج
وقت الشدايد له مع زعب عنوان

من مدرسة فعله عياله تخرّج
واخوان من عقبه مشاكيل واعوان

خيل المراجل كل حزه تسرّج
اخوان لاعدو هل الطوله اخوان

عساه مع الحشر الاوادم يْعرّج
على النعيم وجنة الخلد مسكان