|
إلى متى يا مقصف التحفيظ ؟!!
بسم الله الرحمن الرحيم و الصلاة و السلام على رسول الله وعبده اشرف الخلق وخاتم المرسلين سيدنا محمد عليه افضل الصلاة وأتم التسليم .. أما بعد .. أحيكم أخوتي بتحية الإسلام : السلام عليكم ورحمة الله وبركاته . أخوتي في الله أحب أن اطرح هذا الموضوع بأسمي وبأسم طلاب مدرسة تحفيظ القرآن الكريم المتوسطة والثانوية والذي يتكلم عن مقصف المدرسة فجميعنا يعاني منه ( الطلاب ) من جميع النواحي منها : 1. نوعية الطعام . 2. جودة الطعام . 3. أسعار الأطعمة الموجودة في المقصف . وكل هذا سأطرحه لكم في هذه الرسالة عنوانها : لماذا ؟!! أولا نأتي لقسم السندويتشات : - سندويتش الفلافل : وما ادراك ما هو الفلافل .. رائــحة عجيبة .. مكوناتها الفخمة .. أيضا سعرها العجيب . 1. رائحتها : شخص يأكل بجانبك و رائحة تحميض !! أو رائحة الفلافل !! لا ندري !! الله أعلم . 2. مكوناتها : حبتين فلافل وبطاطس فقط ، وربما احيانا يضعون في بعضها القليل من السلطة أو الحمص ( نادراً ) 3.سعرها : في أي بوفية بريال ، وتجيك ساخنة و يحطلك فيها ميونيز وكاتشب وبطاطس وسلطة واذا تبي حطلك شطة ( الصلصة الحارة ) ونظيفة وبدون ريحة بريال ليه عندنا بريالين وما فيها غير الفلافل والبطاطس . - سندويتش الزعتر و الجبن : نحن لا نود في أكلها لكن نحن طلاب نحتاج إلى طعام لكي نستطيع أن نكمل باقي يومنا الدراسي وينشطنا . لكن لماذا لا يستبدلوها بـ( فطائر ) تكون بأكثر من نكهة إضافة إلى الفلافل الذي نأمل ان يتحسن من كل النواحي المذكورة مسبقاً - لوزين : مغلفة ، نظيفة ، طرية ، طعمها ، مليئة بالحشوة مقارنة في الذي بالمقصف إلى هنا أخوتي انتهينا من السندويتشات .. ندخل في المشروبات : - العصائر : العصيرات التي تباع لنا من الانواع الرخيصة بل لا تسمى عصير بل شراب ( ماء ، سكر ، نكهات اصطناعية ) ومذاقها بدلاً من أن يرويك يعطشك !! ... فيه طعم لاذع !!!! لماذا لا يستبدلونه بعصير الربيع مثلاً على الأقل أو kdd الطازج ولا يباع بسعر ريالين بل مثل البقالات بريال - الماء : الأهم طبعاً .... العلبة ( الغرشة ) اللي بنصف ريال الصغيرة تباع بريال في المقصف !!! و الآن النقطة الأخيرة إلى قسم البطاطس ( الشبس ) والمكسرات .. إلخ : - البسكويت في الخارج بنصف ريال في المقصف بريال ... الفول السوداني ايضا بنصف في الخارج وفي المقصف بريال - البطاطس طورووه شوي صار ليز أبو نص ريال لكن أيضاَ يبيعونه بريال - وأيضاً احضرو لنا كت كات ( أصبعين ) في خارج المقصف يباع بريال في المقصف بريالين !!! __________________________________________________ ___________________ لماذا الأسعار الدبل ؟!! ... أين الجودة ؟!!! ... نحن لا نطلب الكثير فقط نوعية الطعام وجودته والأسعار نريدها مثل الأسعار خارج المقصف ..... إلى هنا أخواني في الله نصل لختام رسالتنا .. فنرجو أن يسعى كل من له شأن لأن نحقق مبتغانا ونوجه رسالتنا إلى الجهة المسؤلة ... وأشكر كل من سيسعى لتحقيق مبتغانا وسيسعى في هذا الموضوع .. ونشكركم على قرائتكم رسالتنا ونأمل منكم تحقيقها .. والسلام خير ختام ... والسلام عليكم ورحمة الله وبركاته . |
مافي أمل أن شاء الله راح تلقي الامل 1/ من المسؤل عن المقصف ؟ المدير لو يناقش الموضوع معه من جميع النواحي التي ذكرت سوف يوفر حلول تناسب الجميع الموضوع سهل وجميل بس يوصل للمسؤل عنه موفقين ...........باذن الله .. |
وعليكم السلام ورحمة الله وبركاته أخي صاحب معرف مافي أمل اسمك ينطبق على الموضوع ما في أمل يسوون شي للمقصف فحنا من 3 سنوات نطالب بــ هالشي و يقولون إن شاء الله إن شاء الله و ين عايشين حرام عليكم زين لو قلنا تبعون بــ هالأسعار و مقابلها يوم مفتوح أو حفلة و ما شابه الفلوس وين تروووح لا كن لا حياة لمن تنادي حاولنا نجيب من بره مآآآآآآآآآآآآآآآآآآآآآآآآآآآآآآآآآآآآآفي طيب ليش أجل جيبوا شي زي الناس جانا المغص و حنآ ناكل الزعتر و العصير الريتا الكرتون 12 ريال و تستفيدون دبل ( الحمد لله على النعمه )yd.885 لا وصرنا نادي بعض زعتر زعتر زعتر :mad::mad: لكن هذا في الأخير إهمال من الإدارة لأنها هي المسؤولة عن المقصف .... لكن حسابكم في الآخرة زي ما لكم نفس بفطور من مطعم و معجنات و غيرها ترى حنا مثلكم حب لأخيك ما تحبه لنفسك ما أقول إلا يَ مكتب الإشراف بالخفجي و ينكم عن المدرسة ترى موا أول موضوع ينزل و الله الله يرحم والديكم شوفوا لنا حل الطلاب ما لهم خلق ياكلون من البيت يقومون متأخرين و الطابور بدري و خصم درجات ما لنا إلا المدرسة و ترى ناكل و الله خصب عننا نبي شي يسد الجوووع إن شاء الله وصلت الرسالة لمن يهمه الأمر .....ََ!! و شكراً أخي ما في أمل على الموضوع |
أختي ام الخيل
كثير كلمنا وكثير وجعنا روسنا بهذه المشكلة لكن الجواب مثل ما ذكره أخوي قلم من الماس ( أن شاء الله ) مشكوووور يا ام الخيل على مشاركتك قلم من الماس كلامك صحيح مو مهم الفلووس لكن الجودة من حقنا هم لو يخلونها غالية ويحطوون فيه جودة زينة ما تكلمنا لاكن ( غالي على الفاضي ) وعااد انت فاهم الطبخة ........ مشكوور لمشاركتك يا قلم من الماس وننتــــظر ...... yd.885 yd.885 yd.885 :mad: |
.. هذا الكلام اللي بكتبه ..
طلب مني أحد أصدقائي إنه هو يكتبه .. وأرسله على المنتدى .. يعني .. الرد اللي برده مو .. مني أنا .. ل .. صديقي الله يخلي مديرنا القديم .. سليمان الضبيب .. كان .. يشاور .. الثانوي .. ويقول وش تبون نجيب للمقصف .. قالوا نبي من البوفية .. المقصف ماشاء الله .. الطالب .. كان يفطر بالبيت بس بعد ما صاروا يجيبون من البوفيه .. فلافل .. فيه كل شيء .. طازج .. وعصيرات .. ربيع .. وبالشتاء .. شاي حليب وبدةن ... أما ألحين .. إنت يابطالب غصب تشتري من المقصف .. تبي حاجة تسد الجوع .. وبس .. تخلص الفسحة تروح الفصل تبي تنام بس من الأكل اللي أكلته .. والله يخلي مدرسة النهضة .. المدير يعاقب الطلاب أشد العقاب .. بس مع ذلك يكافئ طلابه .. ب .. مسابقات ورحلات .آي شيء يبيه الطالب .. أما التحفيظ كل سنة يوعدون طلابهم بالجديذ .. وما نلقى إلا الخياس ..طلعوا الريال .. ي .. التحفيظ .. مو حرام .. المدرسة .. مو .. معناها خلاص كلها دراسة لازم يكون في نشاط حتى الطلاب يرتاحون .. ويحبون .. المدرسة | نطالب بأن تتغير الأسلوب من سيأ إلى أفضل .. أولاء طلاب يحفظون لا بد أن يكافئون بكل شيء طيب .. بس فعلا الطيبين راحوا ونطالب أيضا من الطلاب بأن يشدوا حيلهم وكل واخد يدافع عن نفسه العذاب الدنيوي .. لن ينتهي .. ي .. مدرسة التحفيظ للأسف أسلوب أكثر المدرسين .. فاشل .. بدون آي مجاملة طلاب التحفيظ في عذاب دنيوي شديد مبنى جديد وش ناقصكم تحملوا العذاب اللذي أنتم فيه تحملوا العذاب اللي إنتم فيه |
امممم مافي امل موو بس مدرسه التحفيظ بالعكس انا درست متوسطه وثانوي بالخفجي نفس المشكله بس اختلاف بسيط انتم الفلافل بر يالين بس حنى لا بثلاث ريال
ورب البيت نمرر من غرفه المعلماات ريحتهاا تفتح النفسس معجناات ومشروبات غازيه وحناا شبه يوومي يفتشوون الشنط يخافوون نجيب عصير ولا شيبس من براا ؟؟؟؟؟ ليهه المفرووض الطالب هو الي يتغذى موو المعلمم ....... اتمنى ان تووصل اصواتناا للمسوول عن المداارس |
بتكلم بالنسبه للقوانين بمدارس البنات و اتوقع ينطبق عليكم
بالنسبه لنوعيه الماكولات فيه تعميم من الوزارة بمنع البطاطس و الحلويات و المسموح فيه البسكويت و الفطائر و العصير و فواكه .... الخ بالنسبه للعصير فيه نسبه معينه لنوعيته مثل عصير الربيع يعتبر شراب و تنطبق عليه قائمه الممنوعات و بالنسبه للفلافل ممنوع تباع بالمدارس لان فيه طلاب عندهم امراض معينه و الفلافل تضرهم حيييييل اما بالنسبه للاسعار فكل المدارس هذي اسعارها و المدرسه تغطي تكاليف كثيره من دخل المقصف و الاسعار الذي ذكرتها مقبوله و غير مبالغ فيها صح نسيت فطائر لوزين اللي تقول احسن من فطائر المدرسه انا اكثر من مره فتحتها و لقيتها معفنه مع العلم ان تاريخ صلاحيتها جديد |
ذبحني الشوق نورت الموضوع .... انا لا اعلم بمقصفك لاكن الله يعين وانتوو بعد عليكم قوانين معينة
دانة الكون يشرفني مرورك .... مثل ما ذكرت انا لا اعلم بقوانين المقاصف للبنات لاكن حنا ما نتشرط وش يجيبوون لنا لاكن نبي جودة الحمد لله على النعمة بس فطائر الجبن اللي يجيبولنا ايااها الجبن مثل الفلين مافي فرق وايضا نحن لا نقوول اتوو لنا بعصير ربيع لا ما دام هو ممنوع يجيبوون احسن منه اللي يجيبولنا ايااه اقطع من عصير الربيع بدل ما هوو يرويك يعطشك وبأمكانك سؤال اي احد عن المقصف لاكن الحمد لله غيرووه اللي الربيع بعد الموضوع وما نبي فلافل لاكن نبي شي يسد مكانه .... تقولين لوزين معفنه اوك لكن ممكن تكون سوء تخزين او شيئ من هذا القبيل لاكن يبقى الوزين افضل من الفطائر في المدرسة التي كانوو يأتوو بها لبيعها الأسعار بالنسبة لتغطية تكاليف المدرسة ، حنا مو شايفين شي !! يعني لا حفلات تكريم ولا رحلات ولا فعاليات ....إلخ حتى ياخذون فلوس على الفاضي يعني غالي لاكن مافي جودة ترضينا مشكـــــور لمرورك ...... نورت الموضوع ايمن ما عندي تعليق ^_^ ونشكر كل من سعى في هذا الموضوع لاكن المقصف تحسن نسبة بسيطة جدااً نريد المزيد من السعي شاكرين جهودكم أخوكم مافي أمل ^___^ :) |
سبحان الله ~~~~~
العام الماضي كتبت نفس الموضع نفس المشكله المنتدى كله مو معي والحين يوم كتب الموضوع باسم مجهول صرتو معه (( ماقول الا حسبي الله العظيم علي للعب بالمقصف المدرسه )) اوجه تحتي لمدرستي القديمه ولابد من تطور يامدرسة التحفيظ وعلة المقصف معروفه وينها عند ******** وناسف ع الاطاله |
^^ صحيح آذكر آلموضوع .. آلمشكله هنا مآهي من آلمدرسة .. نفس ما قآلت دآنه .. الوزارة معطيتهم ورقة فيهآ آنوآع آلمواد آللي يشترونهآ و موآد ممنوعه .. و فيه مدآرس تجيب موآد ماهي موجودة بآلورقة .. بحكم آن آلبنات ما صآرن يشترن وصآرن بس يشتكن .. والله يعين وقت آلتفتيش ركض هنآ وهنآك :biggrin: |
| الساعة الآن 11:23 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.