|
ابي اعزف للهموم الحان
أبي ابكي من الضيقة وابعزف للهموم ألحان أبي اطلق مواويل الحزن وبطرح كل دواويني أبي أشكي أبي احكي ابوصف للبشر حرمان أبيهم كلهم يدرون أبيهم يشعروا فيني أبي لا من طرى اسمي بكى من لوعتي شيبان أبي لامن طرى"عاشق" ذكر من كان يغليني أبيهم يذكرون أني صرت بدمعتي غرقان أبيهم يعرفون الهم هواللي صار يخاويني أبي أصرخ وأبلغهم وأقول أن الفرح خوّان يجي مرة معاي و هو طول العمر ناسيني أبي اترك لهم قصة وأخيّرهم على العنوان يسمّوا "حزن "يحطوا "دمع" ..ما عاد يعنيني أبي لامن وصل صوتي يحس بضيقتي إنسان أبي لامن نزف جرحي لقيت اللي يداويني أبي شخص يجي يمي و يقفل للعنا بيبان أبيه يكون لي خل وعلى حزني يواسيني أبيه لمركبي مرسى وأبيه لغربتي أوطان أبي لامن ذرفت الدمع لقيته لي يعزّيني أنا ما أبيه يصبح ضلع أبيه يكون لي ضلعان أبي لا من مشيت وطحت يحط يديه في يديني إلامن خانني التعبير أبيه يكون لي لسان أبي لامن سكت ألقاه ..يفهم من نظر عيني أبي لا من تعبت وضقت يلم الروح بالأحضان أبيه يكون لي كتاب إذا ضاعت عناويني أبي أعشق وأبي أغرم وببني للهوى بنيان أبيه يكون مبنى ضخم ويسكن فيه مغليني أبي واحد يسكن بي وابطرد لأجله السكّان أبي يسكن وسط قلبي وعمره ما يخليني أبي أشعل شموع الحب وبأعطي من الغلا بستان أبي أهديه باقة ورد ..مسقيها شراييني . |
دانــة الكــون
لحروفك مكانه في الروح ولسطورك لحظات جميـله لا شىء جديـد فأنت سيـدة القلـم دمتى بخير عزيزتي ودام مداد قلمك الذهبي لكي اجمل التحايا http://up.rabe7.com/get-8-2009-bp042s9d.gif |
كلماااات رووعة واختيار جميل ..
صح لساانكــ دانة .. |
؛ |
. رووووعه × روووووعه × روووووووعه سلمتي على آختيارك آلمميز ..’’ |
اقتباس:
شاكره لك جمال حروفك و مرورك الرااائع. |
اقتباس:
الاروع و الاجمل تواجدك و صح بدنك شاكره مرورك. |
اقتباس:
الاروع مرورك و الله يعافيك و يسلمك شاكره مرورك. |
اقتباس:
الاروع تواجدك و الله يسلمك و يعافيك شاكره مرورك. |
دانة الكون
سلمت اناملك كتبتى فابدعتى دوام التميز |
| الساعة الآن 01:53 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.