توكلنا
 

ياتوكلنا على الله توكلنا
واحدٍ رسّى الجبل وانبت سفوحه

خيره وعطفه على طول يشملنا
والعطايا منه للخلق ممدوحه

واحترازاتٍ لها الطب كافلنا
من وزير الصحه تْشاف مشروحه

والسلام اللي نظر يامقابلنا
من كورونا اللي على العالم جروحه

وانت صاير فالزعل دوم تاكلنا
زلتك ماهيب تعفى ومدموحه

قولك اللي قلت ضده ولاقلنا
الحظوظ سنود ماهيب مسدوحه

الردي من ربعنا مايمثلنا
مايمثل غير بالمجتمع روحه

المزايا فيه ماهي تعد إلّنا
له مزايا ماتستّر ومفضوحه

مارفع نفسه ولاهو مجمّلنا
قاصراتٍ في مواجيبه شبوحه