|
لماذا لآيتم تدوير..المسؤلين بالخفجي.
السلام عليكم ورحمة الله وبركاته . بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين الموضوع بختصار شديد.. كما تعلمون.. ان كل فتره ..يتم تغيير المسؤلين..والمدراء..من منطقه الى منطقه آخرى.. لتجديد النشاط..وللمصلحه العامه.. لماذا لا نرى هذا التغيير بالخفجي.. من اكبر مسؤول الى اصغر مسؤول.. طبعا البعض بيزعل من كلآمي.. بس هذا الصح... عشان تتطور المنطقه بسرعه. شوفوا الخفجي..فيها 4 شركات نفط.. كنز بترول.. وهي قريه..لآيوجد بها..اي شي التطور..مع انها مدينه سياحيه.. وفيها كل المؤهلآت انها تكون مدينه ..متطوره..وجذابه.. ناقصها..مطار..شوارع..مجمعات..مستشفيات..اسواق.. متنزهات.. ليه ساكتين يا اهل الخفجي.. هل يتكرهون التطور لمدينتكم.. اغلب الي ساكتين ..ويقولون الخفجي متطوره..ونفيها وفيها.. ماهمه مصلحه الخفجي..تلقاه..جاي من منطقه ثانيه.. ويشتغل ..وبالاوف يروح لمنطقته.. حنا نبي الخفجي تتطور.. شوفوا الكرنيش..او مايسمى الواجهه البحريه.. لآزرع..لآ تشجير..لآ اهتمام.. غرفه لها سنين عظم.. مهمله.. اهواز..للري..من سنين.. .كتابات المراهقين ع المرافق العامه. شوفوا الجدران..سبوره...انواع العبارات.. والكتابات.. والمسؤلين نايمين.. الدورات الجديده الي سووها.. بدون تكمله.. كآنها بـر..يعني نجيب خيمه ونحطها مثلآ. ياخوان.. ترى الخفجي..كنز ..كنز..كنز.. والله ان اهلها مظلومين.. الشباب لا جامعات ولا معاهد.. اقرب شي لهم الجبيل ..مشوار ساعتين بالسياره..وحوادث..والله يستر.. الخفجي بحاجه الى التطور.. موضوعي مثل اي موضوع.. بيحصل ع الردود.. وبينزل الموضوع.. وينسي.. هذا حالكم يا اهل الخفجي.. انتم راضيين كذا.. للاسف. لآحول ولا قوه الا بالله. |
هلا اخوي يعطيك الف عافية اخوي انا ما اشوف الغلط من المسؤلين قد ما يكون من الشعب نفسة تقول مافي جامعات في معاهد بالخفجي وفي كلية العلوم والآداب للبنات وفي كلية التقنية للاولاد اللي بتفتح على بداية العام الجديد بالنسبة للكورنيش تم تنسيقة ومسح الكتابات في صباح احد الايام وربي ما كمل حتى 12 ساعة الا وتم الكتابة من جديد على الغرف والحمامات يعني المشكله من الشعب نفسة للاسف ما عندهم انتماء للمكان اللي هم فيه كيف تطلب التطور والشعب نفسة مو مهتم في المكان اللي هو فية كل ما يتم افتتاح شي يتم تخريبة والكتابة علية من قبل شباب المحافظة ؟؟ قبل لا يتم بناء الجديد المفروض يتم المحافظة على القديم شوف الخفجي مول قسم العوايل الجدران اللي فيها كلها ارقام وكتابات وشخابيط من بنات واولاد مو بس الاولاد مو حرام كذا ..؟ انا اشوف ان في خلال الخمس سنوات الاخيرة الخفجي تطورت وانتقلت نقله كبيرة عن السابق وهذا شي حلو .. وشوي شوي بتصير من احسن المناطق بالمملكة بس ياليت شعبها يقدر هالشي .. ويحافظ عليها قبل لا نصلح المسؤلين لازم نصلح انفسنا هذا والله يعطيك العافية اخوي على حرصك واهتمامك تحياتي بـ الخفجي ـنت |
المشكلة ليست من الشعب فقط
اول شيء عندك المسؤولين << بدون تحديد ثاني شيء عندك اولياء الامور وتربيتهم العظيمة الاثنين اللي فوق سببوا لنا ازمة اسمها (دوارات) رجّعت الخفجي لعهد التخلف!! ولاننسى (المطبات الخنفشارية) اللي بكل مكان!! لاحظوا اني تكلمت فقط عن شيء بسيط (مطبات و دوارات) فكيف بمصالح الناس وثروات الدولة و و و الخ. وموضوعك يا اخي الكريم رائع واتمنى تدوير هذه ال........ بارك الله فيك |
والله محنا راضين .. والمشكله شايفين المسؤولين سرقه عيني عينك واللي يقول الشعب هو السبب والشباب يكتبون ويخربون والله ما الومهم الشباب ..وين في اماكن يتمشون فيها ..لامتنزهات لامجمعات لا العاب ولا حتى معاهد يبون يسكتونا عملولنا اسواق المزرعه ويوميا كل الخفجي فيها مافي غيرها المعاهد اللي تتكلمين عنها اختي بنت الخفجي اسمها معهد لكن مافيها اي فايده تذكر وشكل المبنى يفشل .لا وازيدك من الشعر بيت عطوني شهاده ولما جيت ابي اقدمها لديوان الخدمه قالوا هذي مو معترف فيها << ياحبيبي yd.885قال معاهد قال خلونا نكون واقعين .. شوارعنا غلط ( شارع صارله اكثر من سنتين او اكثر يصلحون فيه سلامات والله لو سكة قطار امداها تخلص :mad:.. مدارسنا غلط .. مستشفانا غلط .. بس مانقول غير حسبي الله ونعم الوكيل . |
احلى شي فالخفجي ان ما فيها زحمه
والشي الثاني الهدوء لكن مع الايام راح تروح هالحلاوهـ حنا يا ليت نحافظ على هالثنتين بعدين فكروا بالتطور نبغى مجمعات واسواق مثل الاوادم نبغى شوارع مثل الاوادم جا فيضان فالصين مدري اليابان وعندهم شارع دائري تدمر وخلال 4 اايام تم اعادته مثل ما كان وافضل وحنا على شارع البلديه قعدنا سنتين وشارع الكويت الحين من عند شبك التحليه ولا تنسون شوارع المحدود واالشارع الاصفر من بعد دوار الاشرعه الخفجي يا لبيـــــــه بكل حالاتها لكن لو يهتمون الناس نكون بخير ويا ليت الانتخابات حقت المجلس البلدي تجيب فايدهـ |
مشكلتنا في المطبلين .. الخفجي ليش ماتصير مثل الجبيل الصناعية على الأقل اتوقع الجبيل الصناعية طلعت ورى الخفجي :biggrin: الشعب وش بيده ياحسره الشعب تجيه ميزانية من الدولة عشان يصرفها على الخفجي ؟! الشعب يقدر يبني مطار ؟! الشعب يقدر يبني مبنى لكلية البنات مبنى كليه مو بمدرسة بالمحدود ؟! الخ انا اعذر الأخت اللي حطته برأس الشعب عشان شخابيط لأن يمكن أغلب قرأتها عن الموضـه والفنانين والفنانات الخ بلاش نهايط بليز :biggrin: |
اقتباس:
وانتوا قلتوا مافي معاهد ولا جامعات انا رديت وقلت لا في معاهد وفي جامعات بغض النظر عن طريقة التدريس فيها او نظامها الموهم انها متوفرة ولا تنسون قبل 10 سنوات ماكان في اي نوع من انواع المعاهد ولا الجامعات وهذا شي ايجابي مدارس جديده وحي كامل انشىء في فتره تعتبر نوعاً ما ممتازه هذا نقطه ايجابيه صح ..؟ خليكم شعب متفائل شوفوا النواحي الإيجابية قبل السلبية من كل شي .. مشكله الشوارع واصلاحها ماهي بس بالخفجي في كل مكان شوف تحويلات الدمام والبلاوي اللي في شوارعها .. صدقني الخفجي بخير بس تحتاج شعب يحبها ويكون وفي لها تحياتي بـ الخفجي ـنت |
اقتباس:
الحمد الله ان الخفجي مو مثل الجبيل يا خوي انا ما شفت احد سكن بجبيل ومدحها صح هي بلد فيها التكنلوجيا والمصانع والتطور بس مافيها الحياه اللي بالخفجي .. الجبيل بلد ميته سكنياً وما في احد مبسوط فيها على حد علمي وبالنسبة للقراءات مافيها شي لو قريت عن الموضة :biggrin: حلو نواكب العصر :biggrin:وناخذ الجديد من كل مكان صح ؟ ابتداء من الموضه إلى الثقافات في الدول :redface: تحياتي لك بـ الخفجي ـنت |
اقتباس:
|
اقتباس:
ليه الاستغراب يالغلا ..؟ وش فيكم تضايقتوا يوم قلت كلمه الحق تيب خليكم معي انا ما اعفي المسؤلين ابدا .. في للاسف مسؤلين ماعندهم اي احساس بالمسؤلية وما يخافون ربهم واكيد مقصرين باعمالهم وهذا الشي مافيه خلاف انا معاكم فيه .. بس قبل لا نحاسبهم شوفوا الموضوع عن شنو يتكلم الاخ الخفجي يسال ليه مافي اهتمام بالنظافة والاهتمام بالكورنيش ..؟ بسالكم سؤال وابي جواب صريح ..؟ كم كانت اطول فترة شفتوا فيها الكورنيش او الغرف اللي عليه بدون كتابات وربي انا شفت بعيني يوم تم زياره احد المسؤلين للخفجي تم اعادة صبغ جميع الغرف والحمامات وغيرها اللي على الكورنيش كلها تم زيارة المسؤل بالنهار وربي بنفس اليوم بالليل طلعت للكورنيش لقيت الكتابات والشخابيط رجعت ..؟ تتوقعون المسؤل هو اللي جا شخبط او المواطن ..؟ المسؤل المفروض كل يوم يصرف ميزانية للصبغ علشان يجي المواطن يشخبط المدارس بالخفجي اسالوا المديرات ومعاناتهم كل ما يصبغون جدران المدرسة الخارجية ثاني يوم يجون يلقون الشخابيط والكتابات فيها هنا نحاسب منو ..؟ قال مافي جامعات تيب كليه العلوم والآداب اللي تضم اكثر من 3000 طالبه هذي شنو ..؟ المبنى الكبير للكلية التقنية اللي فاتح للاولاد هذا شنو .؟ مو شي جديد ونقله للخفجي انا مواطنة حالي حالكم واكيد ابي التطور للخفجي ويهمني انها تكون من احسن المناطق بالعالم مو بس بالمملكة بس لازم نحاول يكون لنا انتماء اكثر لخفجينا ونحارب المفسدين قبل المسؤلين يالغالين انا ما اشوف كلامي غلط وبالنهاية تبقى وجهه نظر واختلاف وجهات النظر لا يفسد للود قضية تحياتي بـ الخفجي ـنت |
| الساعة الآن 06:23 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.