منتديات الرائدية - تحذيــر من بنشـتري شارع الستين

صباح الورد يا غالين

واللــه يا ناس حبيت انبهكــم لشغلــه صارت لي من شوي

وهي الله يسلمكم

رحت ازود زيت لسيارتــي ولمن جيت للمحطــه اللي على شارع الستين خلــف مجمـــع المنار الطبي

دخلت بالسياره على حفــره تغييــر الزيـــت الا فيــه يمنــي كان يعمـــل في البنشــري اللــي على شارع الاميــر نايف عند محطــه الامل اذا ما خاننـي التعبيـــر مقابل المتجــر الوطنــي واول ما وقفت قلتلــه لو ادري انكـ هنــا ما كان جيت وانا واللــه كنت متعامل معاهـ بس اسلوبــه تغيــر مع الايام لمن حصل خيــر من السعوديــه اللـــه يعزهـــا

ما اطول عليكم

المهم

قلت لخويــه شوف زيت السياره كم ناقص قالــي علبــه قلت زود وقال وش زيتكـ قلت جي تي اكس اللي تجيكم علبتـــه لونهــا اسود

عبالــي بعد ما خلــص هز العلبــه قال جواتهــا عشـــرهـ ريال قلت سبحان اللـه من حظــــي طلعهــا قال هذي للمحــل ماهــي لكــ قلــت ما دامهــا باللعانــه واللـه بدري عليكــ وانا اللـي اعرفــه ان اللي بالعلبــه للي يغيــر زيت لان في يوم من الايام كان فيه شركــه مسويــه دعايــه وتحط مفتاح سياره مو عشــره واعتقد البعض منكم يذكــر المهم واللـه ما اكذب عليكم يا اخوان الا الليمنــي اللي قلتلكم عليه اللي اسلوبــه زفت ونصاب في نفس الوقت وانا اتجادل مع خويــه جاء وقال ياخي هذا حقنــا طاحت من جيبــه يبي يغطي على الشمس بغربال قلت يا نصاب هذي مطلعها من العلبه قال طيب هذي للمحــل قلــت كم حق العلبــه قال 12 ريال قلت هذي ريالين ولا يكثــر تراكـ ما حصلت في المين شي وجاي تترزق وهذي لو فيها مفتاح سياره اخذتــه المهم طال النقاش وهذا النصاب مسويلي فيهــا وطلعت من عنده يقول يالله اطلــع اصلا انت مو قادر تسوي شي لاني قلتله بعلم عليك البلديه يا اخوان قوي عين

وانا من هذا المنبر اناشدكم هل لي حق في العشره ريال مع العلــم اني متأكد من الاجابه انهــا من حقــي فأذا كانت من حقي فأنا من هذا المنبــر احذركــم تنتبهون من النصابين خصوصــا من اليمنــي هذا وسلامتكــم

همســه ... انا واللـه ما كتبت الا ابــي احذركـــم تنتبهون من هذولا الشرذمــه وتأكدوا اذا غيرتوا زيوت لسياراتكم

تحياتي