|
ما أبي عيالي يصيرون مثلي ..!!
بسم الله الرحمن الرحيم السلام عليكم ورحمة الله وبركاته اليوم راح أناقش معكم موضوع لمسته بحياة الناس حولي و تصرفات أستغربتها حيل صح لها تفسير عقلاني بس أحسها زادت عن حدها أعطيكم أمثله توضح قصدي واحد ولده شرس و مأذي لدرجة كبيرة يبطش و يضرب و ما عنده تفاهم إلا باليد لما تعاتب أبوه يقول (( ما أبي ولدي يصير مثلي ضعيف خلوه يأخذ حقة بيده علشان ما أحد يدوس له على طرف أنا ما أبي أربيه زي ما أهلي ربوني على الطاعة و تجنب الشر)) وحده بنتها لسانها طويل و ترادد الأكبر بالسن منها و لما تعاتبون أمها تقول (( ما أبي بنتي تصير مثلي مسكينه و على نياتها خليها توقف الناس عند حدها و تهابها ما أبي أكتم حريتها و أفشلها قدام الناس و أكسر شوكتها مثل ما أمي كانت تسوي فيني بمجالس الحريم )) ناس تصرف ألوف على الأكل و المطاعم لدرجة تضغط على نفسها و تبالغ بالشراء الزائد عن الحاجة لما تنصحهم يقولون (( ما أبي عيالي ينحرمون مثلي كانوا أهلي ما يهتمون غير بالأكل الأساسي و أنا محروم من غيره أشوفه مع الناس و أتحسر)) يصرفون مبالغ غير معقولة على الملابس بكل وقت و بدون مناسبة أو حاجة و لما تناقشهم يردون (( ما أبي عيالي ينحرمون و يصيرون أقل من غيرهم أنا ما أبي أبخل عليهم و أحسسهم بالنقص مثل ما كنت يوم أني صغير الملابس من مناسبة لمناسبة بس )) و كثير من الأمثلة صدقوني لو تدورون تلقونها بحياتكم و حولكم و يمكن حتى داخلكم أنتم لو بكم قليل تصرفات نشوفها و نلاحظها حتى لو ما صرحوا فيها راح تلاحظونها بتصرفاتهم و طريقة تربية أبنائهم (( طفولتناا تأثر بطريقة تربية أولادنا)) هي خلاصة الموضوع أنا مؤمن بهذه العباره و صحتها بس هنا الخوف من المبالغة و التطرف فيه ناس تحاول تعوض نقص كانت تعاني منه بطفولتها بأبناءها و هذا شيء خطير إذا زاد عن حده فيه من يصل لمرحلة العتب على الأهل و هذا من أنواع جحد الجميل يلومونهم على أشياء إذا مو بالكلام المباشر راح يكون بتربية أولادهم بطريقة تختلف جذرياً عن طريقة تربية أهلهم كثير أسمع عبارة (( سبحان الله فلان أبد ماهو مثل أهله أطباعة غير)) ما فكرتم أنه ممكن السبب مو فيه الخطأ بتربية أهله و أنهم ما يبون عيالهم يصيرون مثلهم نسوا أنه (( بالرغم من كل عيوب تلك التربية الي هم يشوفونها خطأ ربت رجال و حريم لهم مكانه بالمجتمع )) ساحة النقاش مفتوحة لكم |
وعليكم السلام ورحمة الله وبركاته
موضوع هااام بصراحه بهالزمن ودك الواحد ياخذ حقه بنفسه ان سكت استضعفوه و استقووا عليه اما الاشياء الثانيه انا اشوف فيها مبالغه زمن اول كل شيء كان فيه قليل و هذا كان على الكل قليل اللي تلقاه مقتدر و ما الوم الاهل يقولون ما نبي نحرم عيالنا لكن بالعقل و بحدود مو كل ما طرى عليه شيء وفروه له شف من حولك اغلب الاجيال القديمه رجال بمعنى الكلمه و حريم بمعنى الكلمه لكن شف الجيل الحين ما يقدر يتحمل مسؤوليه نفسه صار فيه جنس ثالث صارت بلاوي الله المستعان و قارن بين الجيلين ايهم احسن تقول و النعم بفلان ولا .... ما ضرك الحرمان ولا حرموك قاصدين موضوع رااائع اخوي عشق الله يعطيك العافيه. |
ممميز في الطرح. ياعشق الشمااال..|~
المفروض يقول ابي عيالي احسن مني..|~ من ناحيه الدارسه والوظايف وامور الحياه..|~ عمر..طولة اللسان..ماتعتبر قوه<تعتبر قله ادب وقل احترام...|~ |
اقتباس:
بس ما يمنع ان الواحد يعلم عياله كيف ياخذون حقهم مو بطوله اللسان لكن باساليب ثانيه لان هالزمن اللي يترك حقه ينداس yd.885 |
اقتباس:
ههههههههههههه لا ياادانه الايام دول..|~ ويكفي يقول حسبي الله ونعم الوكيل..|~ |
حيآكم
صحيح ما ودك يطلع الولد أو البنت فيهم طولة لسان لكن لازم يكون الواحد فيهم قادر الكلام في أي مكان دون خجل .. وقادر على إبداء رأيه بدون تردد ألف شكر على تفاعلكم |
’’ عشق آلشمال .. طرحك للموضوع جميل .. و نقاط تكون متشعبه .. آبي آختصر وآقول .. آتمنى عيآلي يكونون نسخه مطآبقة لآبوي ( و بكل فخر) بس مآ يآخذون منه صفة ( آلعصبية و آلعجله yd.885) ولا تآخذ بنآتي مني ( القلب آلرهيف:redface::biggrin:) دمت بسعآدة ..’’ |
يـــعـــطـــيكـ الـعــافية
والتوسط في جميع الامور شي مهم |
صحيح خير الأمور أوسطها يعطيك العافية..
|
| الساعة الآن 07:55 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.