منتديات الرائدية

منتديات الرائدية (http://www.alraidiah.com/vb/index.php)
-   ديوان نواف الفهاد (http://www.alraidiah.com/vb/forumdisplay.php?f=172)
-   -   يابحر .. ( عذرآ / جزيلآ ) !! (http://www.alraidiah.com/vb/showthread.php?t=138223)

نواف الفهاد 13-06-2012 02:22 PM

يابحر .. ( عذرآ / جزيلآ ) !!
 
*
*

يابحر عذراً جزيلاً .. يابحر يمكن نساني
يمكن .. أن الحظ قاصر .. والعمر رحلة قصـيره

يابحر وأنت الصديق .. اللي من الضيقة خذاني
يوم راح اللي هويته .. وعيشتي صارت مريره ..!

جيتلك والعمر فرحة .. وخفت يسبقني زماني
وتنكسر كل العواطف ... وأكره الدرب ومسيره !

أعترف أني هويته .. وأعترف أنه رمانــي
في متاهات الزمان .. اللي أبد ماذقت خيره .......!

راح يمكنه تناسى .. وأعجبه محبوب ثانـي
راح يا مكبر خطاه .. وليته محكّم ضميره ........!

آآآآه يا صدمة خفوقي .. وآآآآآه ياكبر الأماني
وآآآآه يا كثر السوالف .. وليتني مختار غيره ...!

ليتني ماجيت عاشق .. وليت محبوبي جفاني
قبل لا تنبت ورود الحب .. وأتنفس عبيــره .....!

الوكاد إني ضحية .. والوكاد أنه بثواني
ضيّع سنين المحبة ... كثر الله ألف خيره .......!

يابحر وأنت الوحيد .. اللي بالأحزان أحتواني
حلم وأحلام وأماني .. وموج يطربني هديره ...!

الغلا لاشك غلطة .. وأرتمت بين المحاني
وغلطتي لاشك عاشق .. غلطتي جداً كبيــره ..!

يابحر عذراً جزيلاً .. يابحر راح ونساني
مشكلة والحظ قاصر .. والعمر رحلة قصيره ..!


*
*


الساعة الآن 12:55 AM.

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.