منتديات الرائدية

ترى القروبات نسخ ولصق ياراضي
لاتحسب انك تحصّل فايده فيها

يبي لها واحدٍ بالمجتمع فاضي
ما احسّب ايامه الاولى وتاليها

جربتها والعلوم اطوال واعراضي
بعض القصص ماتسولفها وترويها

متهوم مره ومره تصبح القاضي
هذي تْسمى وهذي ماتسميها

مقطع سياسي ومقطع ضحك ورياضي
واحزاب مابين بايعها وشاريها

ناسٍ مافيها مرض وافكارها امراضي
وسواتهم بالعقل ما احد يسويها

ماينعرف جانب الزعلان والراضي
بعض القروبات حاميها حراميها

والمبتسم مبتلش مع كل مغتاضي
والعين مجهول كاحلها ومعميها