قليل الفود
 

ياقليل الفود ماتثمن كلامك
يارديٍ في خثاريدك تباها

ماقبلنا قبل كورونا سلامك
كيف جتنا بالاماني ماحلاها

التباعد لي ماهو في نظامك
بالسلوم اللي نظامك ماخذاها

شاربك بالفعل ماكبّر مقامك
صفحتك في مامضى كلٍ قراها

عارفٍ نية صلاتك من صيامك
في بتايا قصتك عندي خفاها

عند كل الناس ممسوح احترامك
لاتحسب انك من كبار الدلاها

بايعك والا الردي شرواك سامك
سلعةٍ خسران شرايٍ شراها

انسجامي مايوافق لنسجامك
لك طبوعٍ كل رجالٍ شناها

انتبه لازم معي تربط احزامك
وامسك ارضك واعتبرني في سماها