سمعت بالهامش على بيض الاوراق ؟
 

[poem=font=",6,,normal,normal" bkcolor="transparent" bkimage="" border="ridge,4," type=2 line=0 align=center use=ex num="0,black""]
سمعت بالهامش على جنـب الاوراق=ولا تبي نشرح لك اش لـون وضعـه
اما اعتدل فكـرك معانـا ولـي راق=ولا عساهـا روحـه بـدون رجعـه
لا تحسبٍ ان الصدر من حضرتك ضاق=ولاني مدور عقـب روحتـك فزعـه
الا اذا طبعـك تحـسـن ولاخــلاق=اعطيك سبـع ايـام جمعـه لجمعـه
روض لنا نفسك وفكرك عسا ء فـاق=ابـو طبيـع يـزول مـا زال طبعـه
اكذب عليك ان قلت مانـي بمشتـاق=واكذب عليك ان قلت ما طـاح دمعـه
اللغز واضح مايبـي نـور واشـراق=انقول صـح النطـق لا قلـت رمعـه
اسمك نسيته ميـر باسميـك بـواق=قلبي سرقتـه وامشـي اليـوم تبعـه
لا تعتبرنـي بعـد ذالهـرج منسـاق=ان طعتنـي ولا مـع الجـن سبعـه
حبل الوصل ما بيننـا صايـر ادقـاق=انته تبـي قطعـه ولا اريـد قطعـه
لي هاجس بالشعر في غيبتـك سـاق=ساق المعاني واشعل الفيـن شمعـه
احرقت قلبي وابشـر بـرد الاحـراق=ومن باعني بعته مـع الفيـن قلعـه
كنت احسب انـك للهوى خيـر ذواق=واثريك تامـر قلبـك يصـك سمعـه
اعلنت بوحك لـي وقـررة الافـراق=فجعتنـي بالقـول يـا وي فجـعـه
لا والله الا منـك يبسـن الاريــاق=قصرت يديني عنـك والحيـل منعـه
يالله عسا عيني ترى نـوض بـراق=من سبتك يا مشقـي النفـس وجعـه
تبـي كـلام الجـد مانـي بصـداق=عـود ويكفـي للهجـر منـك لذعـه
[/poem]