فزعة محمد العجران
 

تزاحم بيوت الشعر والمدح للي بان
على اللي فعوله بالمهمات تنشافي

ابمدح وابيّن فزعة محمد العجران
محمد ولد عبدالله المخلص الوافي

تعزوى اخو عجراء تعزوى اخو سلمان
ولا حط للأعذار منحى ومحرافي

زهمته ولاقصّر وثمّن رفيع الشان
وهذي طبايع نادرٍ مثله اسنافي

خذى من مواجيب الوظيفه خذى عنوان
ومن قبلها شيخٍ ماهو للعرب خافي

تزود الحميا فيه باللازمات اثمان
نقيٍ وضوحه مثل جو الفضاء الصافي

عظيم المبادي والفعايل اكبار اسمان
نقاط الجمايل كل ميقاف تنضافي

رصيده من بنوك المراجل وفاء مليان
مزاياه تكمل ماهي ارباع وانصافي

له الشكر مني والثناء كل يوم اطنان
والامداح ترفع له على كل مشرافي