منتديات الرائدية - قصيدة سلطان الهاجري

عـلـيــك الــفــرج يالله يــاحــي يـاقــيــوم
ألــــهٍ عــبـــاده كـلــهــا تـلـتـفــت يــمـــه
ولا يارفـيـقـي والله انـــه عـــداك الــلــوم
انـا اللـي علـي الـلـوم فــي ذمـتـي الـذمـه
لاكـن سامحنـي تــرى العـلـم فـيـه عـلـوم
ولايـفــرح الـلــي بـيـنـنـا يـنـقــل الـنـمــه
حصل ماحصل والعبد يصبرعلى المقسوم
يــدور الـزمـان ويخـلـف الـعـزم والهـمـه
طرات الرجل لا لحقه مـن الزمـان همـوم
ولايـدري بسّـده كــود خـيـرة بـنـي عـمـه
وسـيـع البنـايـد فالشـدايـد قــوي عـــزوم
لاعضـك زمـانـك شــال هـمـك مــع هـمـه
وانــا والله أنــي ماتهـنـى بـحـلـو الـنــوم
ورفيـقـي عـلـيـه هـمــوم الايـــام ملـتـمـه
أشيـل الحمـل منـه وأحطـه عـلـي وأقــوم
مقـامٍ يـورد مظـمـي الـمـاء عـلـى الجـمـه
لكـن الزمـان الشيـن ظالـم وانـا المظلـوم
وعلى الهون ياللـي تمـدح الوقـت وتذمـه
تهـب الهبايـب والسفـن فالبـحـور اتـعـوم
ويقفـي بهـا صلـف الهبـايـب عــن اليـمـه
هبـوبٍ تصلفقهـا وبحـر وسمـاء ونـجـوم
ومــــوجٍ تـقـفــاه الـعـواصـيـف وتــذمــه

قصيدة الشاعر الكبير سلطان الهاجري