روس اصابيعك
 

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
نارٍ حطبها غضاة ونار عرق ارطا=تخرب ثيابك ولا تنجز مواضيعك
وليا دريت انتبه تخطي فلا تخطا=يمكن يجيك العما من روس اصابيعك
فلالك الاَّ نصيبك لو عليك ابطا=احذر عدو البشر يشريك ويبيعك
تراك تخطب وداد عجيِّزٍ شمطا =تفنى سنينك ولا تلحق مطاميعك
الذيب لو هو من اموال العرب يعطا=يمديه بيَّد حلالك من مرابيعك
في ظُلمة الليل لو تمشي ثلاث خطا=كِسرت رجولك على حِروة قرابيعك
وليا هربت و وطيت الحيَّة الرقطا= دفقت حبرك على صفحة مشاريعك
ملفاك دربٍ عليه الجوع ممغطا=تعوي عليه الذيابة من ورى ريعك
ربِّع مادام الحيا بالروضة الوسطا=قبلٍ تجف الموارد من ينابيعك
الخير في جمعة الوافين مرتبطا=والشر يمكن تجيبه في تراميعك
[/poem]

صح لسانك

والله لا يهينك

ونعاتبك على طول الغياب

فانت وجودك مهم

تثبت القصيده
.
.
.

صح الله السااااانك وعلاااااشااااانك
وبيض الله وجهك اخوي حسن على الابداع
ولا يستغرب منك شاعر متمكن وجزل

لاعدمناااااااك جووووود ووجووووود

بشووووق لكل جديد وسجل اعجابي

صح بدنك
ولا تهون الله يبض وجهك
غيابي لظروف والتمس العذر وحقكم علي
شكرا على تثبيت القصيدة
وان شاء الله نحاول قدر الامكان التواصل وسامحونا اذا قصرنا

جميلة بكل ماتعنيه الكلمة يالحارثي

صح لسانك يالجزل ،،

صح لسانك مدد لاعدد

ايات رائعه وتحمل معان قويه وذات جزاله


تقبل مروري

أنت عارف رأيي مبطي .. بـ قصايدك ..!!
و يشهد الله .. إني .. أنطرب لك .. بـ شكل ماينتصوّر .......!!
و أشفق على جديدك .. مثل .. ماتشفق القاع لـ هطول الأمطار ...!!
وأكثر ..!!

:101:

:
:

لك كل ودي .................!!
سلالالالالالام ..!!

ارحب يابو محمد
ما عليك زود الله يطول عمرك
حضورك وافي وانت وافي
صح بدنك

عشق الشمال
مرحبا مليون
الجميل هو حضورك الوافي بيض الله وجهك
صح بدنك