كثرت بوابا ارمكو
السلام عليكم ورحمة الله وبركاته
الموضوع تعدد بوبات الشركة الي كل يوم له بوباه بس انا عرف السبب بعدين راح اقوله لكم ابي ريكم وتعليقكم |
وعليكم السلام ورحمة الله وبركاته
فعلاً معك حق كل يوم بوابه جديده ،،، ليش ما ادري ،، وش الحكمه بعد ما ادري ،، ليش المخاسير برضو الله اعلم. بس الي سووه انهم سكروا كل البوابات القديمه وخلوا البوابه الجديده هي الوحيده المفتوحه علشان الناس تشوفها:biggrin: وصار تفتيش وانت داخل ،،، و بعد فيه حركه بس ما ادري اكيد الرجال يعرفون ايش هي توقف دوره الامن الصناعي بالشارع ومعاه نفس الميكرفون ويكون واقف بالشارع وموجها للسياره ":biggrin:فــ اتوقع انها لرصد السرعه" بس ليش كل هذا التشديد وتسكير البوابات الاخرى:confused:. وإذا عرفتي السبب قولي لنا الله يخليك. يعطيك العافيه و موفق بإذن الله ... لك مني أجمل تحية . |
:biggrin::biggrin::biggrin::biggrin::biggrin::bigg rin::biggrin::biggrin:
وش السبب ؟؟ |
ياخي احس ان حي الشركه سجن ياخي حرام ولا عيب ندخل حيهم
لا ولي يقهر كل شي لهم احس على يوم بيطردونا من الخفجي قبل شهيرن جاني مدرس رياضه وقال في دوري ومدري ايش وزحمه عاد حنا تحمسنا يوم خلص قال بس عيال الشركه او الي ابوه موظف هناك .. (وحنا عيال خدامه يعني ) |
هذا سلمكم الله عزل موضفي الشركه المرموقــين
عن اهالي الخــفجي طبعا الناس مقامات والشركه لابد تدلع موضفينهم بتوفير لهم المستشفي وبيووت ع البحر وجمعيه ونادي متكامل و و و وتكثيف الامن عليهم وما يبوون حيالله يدخل عليهم الا بموافقتهم هذا ودمتم بوود سؤال وهذ جوابه *_^:biggrin: |
أستمرار الفســاد ولا أحد
الموضوع ومافيه مسأله طبقيه وأحتقار للناس وأن البشر لابد من التفريق بينهم على أساس أنه موظف شركة دماركو أرقى مستوى وعرق وكأنه أحد أبناء العرق الآري ! من غيره من أبناء الخفجي الغير منتسبين لشركة دماركو , والذي أسس لهذا المفهوم العــــــنــــصري القـــذر , هو أحد رؤساء الشركه المعروفين شخصيه لاتخفى على الجميع شخص ينظر لشركه كأنه مُلّك أجداده , ويحاول جاهداً السعي الحثيث لتكريس مفاهيمه المريضه والعنصريه تجاه أبناء المنطقه ويحاول تطبيق فساد الوزارة التي أتى منها !! .
إضاءة : سمعت أن هذا المسؤل له أرض قريبه من أحد البوابات الجديد أو بالآحرى بوابات غونتنامو .. واللبيب بالإشارة يفهم . الفساد مازال ينخر في شركة دماركو حتى فاحت الرائحة وأزكمت الأنوف , صرنا نترحم على أيام اليابانيين وعلى كل سلبياتهم ! |
صاقط بالإملاء
|
ربما قد يكون الغرض من البوابه الجديده لهدف أمني بحت .. بوجهة نظري لا أؤيد إغلاق البوابه من طرف المستشفى الحالي وإنما إغلاق الشارع الذي من جهة الدوار البوابه الرئيسية المؤدي إلى المستشفى وهو الطريق الوحيد الآن به للوصول إلى المستشفى فبهذا يستطيع كل من المواطنين الذهاب إلى المستشفى دون مضايقات وتفتيش لوجود رجال الأمن الصناعي.. وبهذا لايستطيع الموظفون الذهاب إلى البوابه الرئيسية عن طريق المستشفى كالسابق وانما الذهاب إلى البوابه الرئيسية عن طريق البوابه الجديده الآن . وذلك بعد إغلاق المنفذ الوحيد للمستشفى الآن وفتح البوابه المغلقه من جهة الساحه.. تحياتي لك واشواقي..:101: |
صح كثرة البوابات يمكن يبيون يقللون الزحمة شوي على الموظفين ويمكن بعد على شان يوضفون شباب جدد :smile: |
لناااااااااااااااااااااااااااااااااااااااااااااااا الله:rolleyes:
|
الساعة الآن 09:33 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.