|
(( مدري وش اللي في حياتك قلبها ))
السلام عليكم قصيدة للشاعر / مخاوي الليل اتمنى ان تنال على إعجابكم ------------- محد(ن) على يديك النواعم ضربها منت بـ على كل الذي صار مغصوب محد(ن) تيّـقن بك ولا احد(ن) حسبها تبي تسكتني الا قلت مكتوب مانعترض لكنك انته سببها ممنوعك اللي تزعمه صار مرغوب بصيرتك مدري وش الي حجبها ضاقت بك دروب وضيّـعتها دروب النار في جسمي توهج لهبها خطر ٍ علي عظام جسمي لها تذوب كاسات مرّك قلبي اللي شربها ماعتدت اذوق المر من يد محبوب مدري وش اللي في حياتك قلبها تبي الصراحه انته قتال القلوب فاتت واشوف انه تزايد كربها عسى الفرج يأتي وينحـل مكروب ماغيرك احد ٍ تل روحي وجلبها ثم بعتها برخيص من غير متعوب في سوق حبك لين رسّم نصبها وتركتني حيّ مع الناس مصلوب ودفنت روحك يوم ورّق شببّـها حسبك لـ وحدك وانت بي دوم مصحوب اسرجت خيلي ثم غيري ركبها خيّـالها ماله على الخيل منصوب طارت بها ريح العواتي هببها في ليلة ٍ لا سلم فيها ولا حروب اخترت من سوّ الخلايق عربها دامك تخيرته فـ انا منك مسحوب نفس ٍ حرمها الله ونفس ٍ وهبها هذا له طلابه وهذاك مطلوب الا جروحي زاد فيها عطبها بغيت انا الفكّه وعوّدت منشوب الياس فيني هز نفسي وغلبها وانا اللي معلق بـ قلبه ومقضوب نفسي ولو عافت قدرها غصبها ترضى بواقعها ولو كان مزروب غنيت ليله كل حزني طربها مرات اهيجنها ومرات مسحوب وجمعت في نبرات صوتي عتبها وعن غلطتي استسمح اليوم واتوب ضوّي طفت عقبك ورمّد حطبها حرام عقبك لا ولا عود مشبوب حتى معاميلي على الجال كبها جنبت خلق الله كما حال مجروب حالي بك اصلح حال واجمل وابها حالي بدونك من عوافيه منهوب صدك خطف ضحكات عيني وسلبها ولا ترى وصلك يرد الفرح نوب وسلامتكم |
طرح راقي لي ..
الله يعطيك العافية |
روووووعه
متميز كعادتك الله يعطيك العافيه. |
صح لسآإنك وآعتلى شآإنك ... كلمآإت ولآ آروع .., دم ـت كمآآ آنت .. تحيتي |
صح لسآن قائلها
وسلمت أنامل النآقل :) |
اقتباس:
اسعدني مرورك العطر |
اقتباس:
اسعدني مرورك العطر |
اقتباس:
صح بدنك الله يعافيك ويسلمك اسعدني مرورك العطر |
اقتباس:
الله يسلمك ويعافيك اسعدني مرورك العطر |
،’ كلمات في قمة الجمال والروووعة ربي يعطيك العااافية على احتيارك لك كل الشكر .. :101: ،’ |
| الساعة الآن 09:37 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.