منتديات الرائدية

((قصص مضحكة))
فتاة خجولة من خطيبها موقف محرج:
فتاة من النوعية الخجولة لأبعد درجة..وكانت تخجل أشدالخجل من خطيبها لدرجة أنك لو تقطعها ما تاكل قدامه ولا تشرب..!!تقول:جاءهم ذلك اليوم خطيبها بعد الظهر...وكانت توها قايمة من النوم.. في عطلة نهاية الأسبوع..ما مداها تفك ريقها....إلا هو موجود خلصت بسرعة بسرعة وما شبعت طبعاً...المهم جلس عندهم ولما جاء وقت الغداء كل أهلها قاموا يتغدون...فقال لها خطيبها: تعالي تغدي معانا قالت:لا أنا شبعانة توني فاطرة..قال لها:عشان خاطري تعالي..قالت:والله خاطرك على عيني وراسي بس ما فيه مكان للأكل مو قادرة شبعانة... المهم جاء العصر وأستأذن خطيبها من أهلها أنه بياخذها ويروحون محلات الاثاث ويختاروا اثاث لشقتهم وافقوا الاهل.. وطلعت البنت معاهوهي ميتة جووع.. جا بينزلها بكوفي شوب..قالت له:ماأقدر اشرب كوفي..قال:يا بنت الناس تحلين على الاقل..قالت:لا والله قبل ما نطلع كنت شاربه كوفي ومحليه بالبيت ما أقدر أكثر منه...لف فيها ولف ولف(والبنت ميته من الجوع وزادت زيادة قامت تفكر بأفغانستان والفقراء وكل شيء ذيك الساعة خطر على بالها)في محلات الاثاث وهي مو قادرة تتحرك وتكابر ما تبي تاكل قدامه....يوم ما قدرت تمسك نفسها قالت له:ياليت نرجع البيت لأني مصدعة...قال لها:ابي أعزمك على العشاء برا قالت:لا والي يعافيك ما في محل للعشاء شبعاااااانة ....رجعوا البيت إلا أمها مسوية لهم العشاء وكانت بتطلع...وحطت له العشاء وما كان في البيت إلا هي وهوبس....قال لها:تخليني أتعشى لحالي؟؟تعالي تعشي معاي..قالت له:لاتوني متعشية..
قال:اشلون توك متعشية وأنتي طول الوقت معاي..انحرجت ضحكت وقالت له:الظاهراليوم كثرت من الاكل لما قمت...مد يده لها بيأكلها من ايده قالت له:لااا والله ما أقدر ما أصر عليها..وقال لها:عشان خاطري..قالت:مااااا أقدر..قال:بس هذي اللقمة عشان خاطري بس هذي..قالت:ودي بس أحس أني برجع من كثر ما أنا شبعانة والله ودي..عذرها وقال لها:لهالدرجة شبعانة؟؟وقالت:وأكثر من كذا..المهم خلص من العشاء غسل يده وقال لها:حبيبتي أستأذن أناالحين لازم أمشي..قالت له:عادي حبيبي حياك الله خلينا نشوفك..الرجال اسغرب ليش مالزمت عليه يقعد..المهم مشت معاه إلين ما طلع من الباب...من كثر الجوع ما قفلت الباب وراحت تركض على صينية العشا وهي بالمطبخ وقامت تاكل بشراااااااااهة وهي واقفة ما قدرت تقعد..في هذا الوقت خطيبها نسي مفتاح السيارة فرجع ودخل بياخذ مفتاحه وهو قريبها(ولد عمها)..فحب يسلم عليها ويقول لها أنه رجع ياخذ مفتاح السيارة سمع صوت بالمطبخ دخل عليها..وهي من كثر الجوع ما حست أنه وراها...وجلس وراها مكتف يدينه وواقف يطالعها..وهي تاكل وتاكل بشرااااااهة إلين ما خلصت...توها بتمشي التفتت وراها إلا لقته واقف مبتسم ويطالع لها بعين.. ..يااااااإلهي هي أصلا خجولة وتخيلوا شافها وهي كذا!!!قال لها:ليه كذبتي علي وقلتي لي إنك شبعانة؟؟كل هذا جوع؟؟؟البنت بغا يغمى عليها من الاحراج

مريم فتاة بالعشرينات لها عائلة كبيرة واقارب كثيرون وخاصة من الرضاعة وهي لاتعرفهم جميعا بسبب كثرتهم في احد الايام اتاها والدها وهي تجلس بغرفتها تمشط بقرونها الطويلة استعدادا لقصهن مدرجات وقال يا مريم قالت لبيك يبه قال بنتي روحي سلمي على اخوانك وقرابيك بالرضاعة قالت ابشر يبه وراح ابوها غرفته بيجيب شغلة نزلت مريم للمجلس ولقت اخوانها اربع شباب سلمت عليهم وباستهم لأنهم اخوانها بالرضاعة بس اول مرة تشوفهم وجلست تسولف معاهم شوي المهم رجعت لغرفتها وجاء ابوها بعد شوية قال وينك ما سلمي على اخوانك قالت توني رحت المجلس وسلمت يبه وينفجع ابوها ويصرخ فيها يا بقرة إلي بالمجلس ذولي ربع اخوك اخوانك عندي بالملحق

في احد المساجد , وعندما سجد الناس قام احد بجمع(العقل)من على رؤوس المصلين,ثم وضعها على الباب,وهرب..
بعد الصلاة تعالت اصوات الرجال:خذ عقالك,هذا عقالي..لا هذا عقالي أنا
فعلاً شقاوة

رأى طفل صرصارا فهب مسرعا لقتله بالحذاء((اكرمكم الله))فأمرته أمه أن يسمي قبل ان يضربه , فأستجاب لها قائلاً للصرصورعند كل ضربة:اسم الله عليك
خايف عليه ههه