|
نادي العلمين فاتح ابوابه طوال ايام الاسبوع اتمني من الشباب انهم يتواجدون هناك
السلام عليكم ورحمة الله وبركاته
اشلونكم يا شبااب بس حبيت ابلغكم ان نادي العلمين فاتح طول الاسبوع ملاعب الكره والسله والطائره وكره اليد اتمني من الشباب الى لهم اهتمام باى رياضه من هالرياضات يتوجه للنادي ويمارس هوايته وبالاخص بشدد على شباب كرة القدم وكره الطائره ويا ليت الى لهم اهتمام بالطائره يدخل ويسجل هنا ونحدد لنا ايام ونلعب فيها بالاخص اني سمعت ان فيه دوره قادمه لكرة الطائره وارد واطلب منكم يا شباب الى له اهتمام بالكره والطايره خلونا نتفق من هنا بالايام الى نتجمع ونلعب فيها والله يوفق الجميع ونشكر ادارة هالصرح الكبير |
الله يعطيك العافيه
العاب رياضيه مفيده تشغل وقت الشباب بالمفيد. |
بالتوفيق لنادي العلمين بالخفجي
الذي اندمر في الاونه الاخيرة .~ |
هلا فيك دانة الكوون
نورتي المتصفح صراحه توفرت لنا ساحات نادي العلمين لكن الشباب مو مستغلينها صح الى وقت التجمعات والمباريات ولكن في الايام العاديه وعطل الاسبوع ما نشوف احد منهم ويقولون وين نروح ما فيه اماكن نمارس فيها الهوايات صحيح يمكن يكون فيه تقصير بالامكانيات لكن شئ افضل من لا شئ |
هلا وغلا اخي مشاري
صراحه نادي العلمين مثل ما قلت اندمر اخر الكم سنه لأسباب اتوقع البعض منا يعرفها عموم بكيفهم لكن حنا الشباب نقدر نحي النادي بأنفسنا حتى لو كانت الامكانيات مشي حالك ومافيه مدربين ومافيه دعم بس مع الوقت العالم راح تلتفت له اجباري والى حاز بخاطري ان النادي تجيه تبراعات من قطاعات خاصه ومن شركات وانا عارف هالشئ لكن مدري وين تروح عموم اشكر تواجدك العاطر في متصفحي وارجع واقول اتمنى من الشباب الى مهتمين لرياضة الطائره اليوم راح نتجمع فالنادي ونشكل لنا فريق ونصير نتدرب بشكل منتظم ونلعب ونستانس سواء لكرة القدم او الطائره او حتي كرة اليد والله يوفق الجميع |
| الساعة الآن 12:51 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.