منتديات الرائدية - السحاب احمر

ياكثر مايشتكي لويشتكي الدفــــتر

من نزعة الحرف في عقلي وتجميعه
احيان مايحنٌ في جوفي نبات اخضــر

واحيان في ثانيه تورق مطاليعــــــه
يبرق ويرعد خفوقي والقلم يمــــــطـــر

وانا تعمـــد ضما حـــرفي وتجويعه
في داخلي صمت يحتاج انفعال اكـــثر

من زخرف القول يارائــــد وتصنيعه
الشعر بعيون اخوك الحلم والمجــهـــــر

خوف وبعض صدق تنزفني ينابيعه
ويش لون تمطر سمانا والسحاب احمر

والبرق يدمي جوارحنا باصابيعــه
محـــد خبر سيـــــل لايمطــر ولايحفــــر

وان جف يحزن ثرى الوادي لتوديعــه
كفا وحدها على التصفــــيــق ماتقــــدر

لاشفت ماهو مطاوعك الزمن طيعه
ماهو ضروي يلامــس جرحك الخنجـــر

ولانت مجبور حتى تعـــلن البيعــــه