منتديات الرائدية - قبلة العـشق

لو تاسع فجوج ربّي في عيوني الضيق !
................................ عيّيت لا أنسى ( هوى داري ) وخلانها

يا ( قبلة العشق ) يا ورد الشذى و الرحيق
................................ يا فخر إبيها الشجاع , وعزوة إخوانهــا

لو باعدتنا الاراضي / والمدن / والطريق
................................ تراش فِ عيوني الثنتين .. وأجفانهــا

الشوق يطفح بعيني وإن ملاها يريق
................................ ويخط سيله على (خدي) .. ووديانها

لاجيت بقول لش : (مشتاق) / ما بل ريق !
................................ تذبل حروف الكلام .. (وتدفن) أشجانها !

لو سولف الحب .. عن سر (الغرام العميق )؟
................................ عرفتي كيف المحبّه .. (يصعب إعلانها )!

لو تترسم الابتسامة (وسط جوف) حريق !
................................ أزرع بذور الغلا .. (وتموت عيدانها) !!

فيا لمحت (فـِ عيوني )يا ضناها بريق ؟
................................ هذي ( دموع الوفاء ) .. تحتال سجّانها

لا والذي شرّف البيت الحرام العتيق !
................................ ما خِلقْت اللي تساوي (روحِش )وشانها !!

قلبي حصونه غلا ! وعيونِش ( المنجنيق ) ,
................................ هديتي أسوار روحي , وكل بيبانها !

( أنيقه الذوق ) ما تستاهل الا أنيق !
................................ يفهم تعابيرها .. ويعزّ سلطانـها

و أنتِِ خلاطت حلا ( مرجان , لول , وعقيق ) !
................................ يموت فيها الدلع .. ويبات بـ أحضانها

لبى معاليق صدرِش كل ما اغفى وافيق !
................................ يامن يذوب الكلام فـ نطقة لسانها

أروح فيهآ مع الصوت الأبح / الرقيق !
................................ ياكبر ذنب الشفاه ؟ .. وكبر شيطانها

قيد المحبّه على كف المولّع .. وثيق !
................................ وأنتي غرام الحياة , وغالي أثمانها

يَا أغلى من الدمعه اللي في عيون الرفيق !
................................ وأقرب من الدم , فعروقي .. وشريانها

انا سبحت البحر .. وإن مت ؟ موتت غريق !
................................ فـ / انا شهيد العيون السود , وأجفانهــا

ما كنّي الا ( عناد ) , إلي بـ ( عليا ) عشيق ؟
................................ وعيْوّا على مبتغاه ؟ .. إعيال عمّانها !!

ممآ رآق لــي http://www.sd-ah.com/vb/images/smilies/127.gif