|
ايعقل مايحدث وسيحدث في الثانويه الثانه بالخفجي!!!!
السلام عليكم ورحمة الله وبركاته الثانويه الثانيه بالخفجي مأسات لايمكن لطالبات ان يتحملنه في الاختبارات قبل ان ابدا يجب ان اوضح لكم ماهي المأساه المدرسه مستاجره وغير نموذجيه وغير مهيأه للدراسه الحمامات وسخه بكل ماتعنيه الكلمه البرادات معطله والبنات كانو يشترون الماء يوميا واذا احتاجو ان يشربو وجدو الماء حار الفيران تجوب الفصول في كل يوم وخاصة ايام الاختبارات ماجعلني اكتب هذا الموضوع هو ماسيحدث للطالبات ايام الاختبارات ستدخل الطالبات الى لجنة الاختبارات وبعد الانتهاء من اختبار الماده الاولى ستبقى الطالبات في الساحه الخارجيه في عز الحر وفي الغبار طبعا فيه بنات تعاني من الربو وبعض الامراض اضيفو لذلك انهن سيبقنا من الساعه الثامنه حتى الساعه الثانيه عشر ظهرا وذلك حسب نظام مدارسنا العزيزه حتى لو لم يكن عندهم الا ماده واحده المهم ان مديرة المدرسه وحسب ماوردني اتجهت الى الاشراف وهذا ماجاء على لسانها عند عودتها وابلغت الطالبات المعترضات بان الاشراف افادها بان يبقى الحال على ماهو عليه هنا اتسائل ؟؟؟ من المسؤل عن معاناة هولاء الطالبات ؟؟؟ وهل يرضى ولي الامر بالقصور الحاصل من الاشراف في مدينتنا ؟؟؟ ولماذا توضع بناتنا واخواتنا في مثل هذه المأساه ونحن في بلد خير ومال ؟؟ واخيرا هل سيرضون اولياء الامور بترك بناتهم في هذا الحر بالساحات ولن يتحركو لتقديم شكوى عاجله للملك او من يهمه الامر من جد حاجه ترفع الضغط ان تبقى تلك الطالبات في تلك المعاناه والمسؤله عن الاشراف او عن التعليم في مدينتنا يتبطحون في المكيفات وفي البراد وبناتنا يتذوقون الامرين في عز الحر اتمنى من كل انسان غيور على هذه المنطقه وعلى ساكنيها ولديه القدره لايصال الموضوع لولي الامر الا يبخل على مدينته بايصال المشكله لهم لكي يحاسب كل مقصر كما اتمنى ان تصل معاناة تلك الطالبات لامير الخفجي ان كان يهمه امر هذه المنطقه ولايكون مثل من سبقه كتبت الموضوع بعد ماسمعت مصيبة تلك الطالبات وسألت نفسي : هل يوجد حلول لهذه المشكله والاختبارات لم يبقى لها الا يومان ووجدت الحل والذي استغرب من مسؤلي التعليم لدينا لماذا لم يقومو به ولماذا لم يحركو ساكنا ولو بالذهاب للمدرسه والوقوف على تلك المشكله الحلول حسب رايي المتواضع هي بسيطه وهي كالتالي : تنقل طالبات الثانويه الثانيه وقت الاختبارات الى المدرسه الابتدائيه بحي الخليج ( مدارس شركة الزيت ) لكي يؤدو اختباراتهم بكل يسر وسهوله ويجدو الماء البارد والراحه النفسيه لاداء اختباراتهم هل يعي مسؤلي المندوبيه ومسؤلة الاشراف هذا الامر ويقومو يتنفيذه يوم السبت القادم ننتظر ونرى طلب اخير من مسؤلي هذا المنتدى ان يتابعو الموضوع ويباشرو بطرح المشكله وحلولها على من يهمه الامر اسف على الاطاله محبكم عزيز نفس كتب الموضوع في يوم الخميس الموافق 3/7/1433 هـ |
احسنت وجزاك الله خير
هذا فعلا موضوع يستحق الطرح والوقوف عليه اتمنى ان يصل صوتك لمن بيدهم الحل وان يتقو الله في الطالبات فسوف يقفون امام الله يوم لاتنفع واسطات ويسالون عن تقصيرهم وضياع الامانة |
بووركككت<<< أقترآآآآآحك بسسيط ويحل المشكله مؤقتاً لين يلقون مبنى حكومي مهيأ للدرآسه
أتمممنى أنهم ينفذون اقترآحك وتنححل مشكلة أخوآتي طآلبآت الثانويه الثانيه |
وعليكم السلام ورحمة الله وبركاته
الله يعينكم اقتراحك راائع لكن للاسف مو بس مدرستك اللي تعاني هالمشكله كل المدارس تتبع نفس الاسلوب الحل الانسب من وجهه نظري الطالبات اللي ما عندهم فتره ثانيه بانتهاء الفتره الاولى يطلعونهم البيت يمشون الباصات على فترتين و يسمحون بالاستئذان ادري ان الاستئذان مصيبه بالاختبارات و هذا لعده اسباب 1- الطالبات مو موجوده بالفصل << يعني المراقبه بتقعد تدور عليها 2- ولي الامر بيسوي حفله عند الباب لان بنته تاخرت عليه و هو ما يدري عن الوضع داخل العدد مو بسيط علشان يلقونه بسرعه " بتقولون يستخدمون مكبر صوت " ما يصلح لانه راح يزعج الطالبات اللي يختبرون باللجان و يوترهم و ممكن اللي ينادونها تكون لسى باللجنه ولا راح تكون بنت وحده علشان نقول مره ما تاثر 3- تعب شديد على المراقبه من حيث تعبئه بينات الطالبه و البحث عنها لكن نقول الحل لمشكله الاستئذان الطالبه اللي عارفه انها بتطلع تتواجد بالقرب من مكتب المراقبه و تدخل كل فتره تسال عن استئذانها لانه ممكن تكون نادت لها و الثانيه ما سمعت او سقط سهواً من الزحمه المراقبه افضل حل بعد ما تنادي البنت تعلق ورقه على الباب و تكتب اسم كل بنت جاها استئذان و الطالبات يشيكون و اللي تطلع تشطب على اسمها و اللي ما طلعت يشوفون اسمها زميلاتها و صديقاتها و يبلغونها هذا الحل من وجهه نظري بالنسبه للباصات ما فيه طالبه تبقى لاخر وقت باللجنه الا ما ندر لكن تمر وحده من الاداريات يوميا و تبلغ الطالبات ان الباص بيمشي بالوقت الفلاني و على جميع الطالبات الالتزام و الاستئذان تبلغ الطالبه اهلها من البيت يجونها بالوقت الفلاني لان ممكن الاتصال يخرب ولا ما يسمحون فيه ولا يكون الخط مشغول و بس حالياً :biggrin: الله يوفقكن و ينجحكن :101: |
من جد احسن حل قالته دندوش
والله يعيييييين ويوفقناا اجمعيييين ... |
الســـــــــــــــــــــــــــــــــــــــلام
مو قاهرني الا الفيران الي الواحد تحسبه ارنب رابي ب الثنويه تحسه بيتخرج معك " وكل الي نقدر نقوله الله يكون بـ العون وجزا الله مديرتنا كل خير على موقفها بتوزيع المياه على حسابها لـ الطالبات ومشكور اخوي على هلموضوع ،،، |
الله يعطيهآ العآفيه مديرتككم وكثر الله من أمثآلهآ
وأنشآءالله عن قررريب بتنحل مشكلتكم بس انتوآ أجتهدوآ وأنآ أنشآءالله بكلم خآلتي موجهه عشآن تسآعدكم |
-
^ عن قريب من يعني ! إذا مأقدامنا إلا اسبوعين فقط :") بنقعد بالحر لاتكييف ، لامياه بارده ، ?? إمكان مخصصه لجلوس الطالبات !! يككفي هم الاختبارات والمذاكره والتعب نحتاج لاجواء هاديه عشان نقدر نقدم أحسن ماعندنا نحتاج مدرسه بمعنى الككلمه ، نحتتاج ككثير ! إذا بجد حاب تساعدنا ماهو بس كلام ينكتب بالمنتديات كلمها الآن :") خليها تتعب شوي وتأخذ ننظره على هالمواضيع وتقرا عن حالنا اللي عايشين فيه :""") على وعسى أحد يحس 3/> مع أنني عارفه إن لإحياه لمن تنادي ! + ويعطيك العافيه (f) |
اقتباس:
نتمنى ان يصل الصوت لهم مع العلم بانني فاقد الأمل بمن يديرون الاشراف لانهم يعيشون في ابراج عاليه اشكر مرورك وتعليقك |
اقتباس:
نتمى ذلك سيدتي اشكر لك مرورك وتعليقك |
| الساعة الآن 11:39 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.