يا بلدية الخفجي شوفوا هالمطعم و الي يصير فيه وش الحل....؟
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين أخواني في بلدية محافظة الخفجي مشهد غريب جداً في احدى مطاعم الخفجي بالتحديد مطعم ( .................. ) من شهر و أنا أشتري من هالمطعم الغدا و يجيبون الرز و الي تطلبه بكرتون ببسي اسمعوا معاي وش طريقتهم يجيبون الكرتون و يحطون داخله السفرة و بعدين يكبون الرز في و يربطون السفرة و بعدها يجيبون قسطير و يغلفون الكرتون :eek::eek::eek::eek::eek: وين عايشين وش ذا المطعم وصار لي كم يوم و الله أشوف الناس يجيبون معاهم صحن رز كبير :mad:يعبون ويالله شوفوا الحل مع المطعم و لا عادي الي يصير اليوم هالمطعم يسوي كذا بكرة المطاعم كلها بتسوي نفس الشي بيقولون (( توفير )):wink: أتمنى أن تصل رسالتي إليكم يا بلدية الخفجي و المسؤولين تحياتي للجميع و السلام عليكم و رحمة الله و بركاته |
’’ وعليكم السلام ورحمة الله وبركاته :confused: وش يحسون فيه .. إذا طريقتهم كذآ .. وين صآحب آلمطعم .. معقوله ما يدري !! وإن شآء الله .. يوصل آلتنبيه للبلدية !! |
:biggrin::biggrin::biggrin:
نفس الشيء صار معي اليوم لازم يضعون حد لهم |
وعليكم السلام ورحمة الله وبركاته
لو انك انت و باقي الزباين رفضتوا تاخذون الاكل بهالطريقه من اول مره كان ما استمروا بالمهزله اللي يسوونها |
قالو يافرعون ليش تفرعنت قال مالقيت احد,المشكله اننا شعب عااطفي ووصلنا الا مرحله السذاجه
ليش مانحط النقاط على الحرووف وننزع من قلوبنا الخوووف الاولى ان تضعون اسم المطعم وان تكون هناك مقاطعه وتشهير وان نجعله عبره وموعظه لكل صاحب مطعم والي ما يتعلم يتعلم السعيد من اتعظ بشخص غيره والشقي من اتعظ به الناس |
اخي الكريم مع الاسف اذا انت مافزعت لنفسك لاتطلب من البلديه اوغيرها يفزعون لك لأنك منت مجبور تاخذ الطلب بهذه الوضعية ولو الزباين رفضو ياخذون الطلبات بهذا الشكل اعتقد ان المطعم ماراح يسوي هالطريقة .
|
الغريب انك تحدثت بعد شهر
لماذا لم ترفض الطريقه من البدايه وتطالب بحقك مقابل المال الذي تدفعه لماذا لم تاخذ الكرتون برزه وتحطه على طاوله مدير البلديه عموما حسنا فعلت الاخت شمس بالتعتيم على اسم المطعم وعلى من يهمهم الامر باخذ الاسم من الاداره كي لايظلم احد بكلام كيدي |
اذا يقدمة في كرتون اجل يطبخة في ايش ؟؟ وبعدين للأسف عندنا ناس " بطينية " ما يفرق معها لو يكب لهم الاكل على التراب كلوه !!! |
لااله لا الله من شهر وانت تاخذ الطلب بكرتون وكل مرة تدفع وتمشي وتاكل وبعدين جاي تقول وين عايشين وين البلدية
لومن الاول حذفت الكرتون على الهندي وقلتله هاته بصحن والا المطاعم مالية الديرة ماحد حدك لاانت والا غيرك على هالمطعم اقولك موقف صار مع وحدة ن صديقاتي طلبت من الفوال وعطاها الطلب والمخلل حطه لها بكيس تتوقع اخذت الكيس ومشت مثل حال اغلب الناس حذفت الكيس بوجهه وطبت منه يحطه بصحن وفعلا حطه لها بصحن لان هو راس ماله هالزباين اذا خسر الزباين خسر عمله خلونا دايم نفكر نتصرف نقاطع نشهر نسوي اي شي عشان نجبرهم يعاملونا برقي واحترام حنا ماحنا محدودين على شي ابد وكل شي نقدر نعوضه بغيره حتى لو ماكان بنفس جودته بس نقدر نتعود تحياتي لك |
لا حياة لمن تنادي
السلام عليكم ورحمة الله وبركاته رئيس البلدية باقي نايم او انه يعلم ومهمل والبلدية كذالك والله المستعان
|
الساعة الآن 02:08 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.