دولة التوحيد : بمناسبة اليوم الوطني
 

رابط القصيده في جريدة الرياضhttp://www.alriyadh.com/2012/09/24/article770747.html



[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
غابت عيون الحسود وطلت عيون القصايد=لاح برق الشعر والمعنى سما يجمع غيومه
امطرت جزل البيوت وقمت انقيها فرايد=وصفها يشبه مواكب شيخ بالصدر معزومه
ابرك الأيام يومٍ فيه للأمجاد عايد=فيه ذكرى للوطن مشهود ومخلد بْيومه
المؤسس قايدٍ مامر مثله راس قايد=انتهض حرٍ على شبه الجزيره طاب حومه
احتزم طير السعد والجيش من حوله سنايد=نصرته للدين واهل الدين مايظلم خصومه
الملك عبدالعزيز موحدٍ كل البدايد=دولة التوحيد مدروسٍ هدفها من قدومه
اسس المبنى وفاء ماهو على مبنى حدايد=بالشجاعه والبراعه والكرم حدد رسومه
خلّف عيالٍ على نهجه وكلٍ صار زايد=نهجهم ماخالف اطباعه ولاخالف سلومه
عهدهم عهدٍ تميّز بالرخا والآمن سايد=المواطن في رغيد يعيش ويقضى لزومه
ابومتعب بالعطايا قلّد الشعب القلايد=خادم البيتين ندعي له عسى ربي يدومه
مكرماته كل يومٍ بالأذاعه والجرايد=ماتعد وتنحصى جملة قرارات محزومه
توسعاته للحرم تبهر وقول الناس شايد=والضيوف اللي يزورونه على العز مخدومه
له ولانا والولاء له كل ماصارت شدايد=لازهمنا عنده اقرب من جفونه وقت نومه
نايبه سلمان يسلم في قديمه والجدايد=الخصال الطيبه هي فيه ماهي بمعدومه
لازعل نزعل معه سلمان مافينا محايد=وان رضى نرضى معه سلمان والروس محشومه
يوم قامت بالدول ثورات .. نكبات وُنكايد=كل ثورتنا تحالف مانخالف للحكومه
الفتن واللي وراها منعثر ماهوب صايد=هازمينه والعقول اللي تغذيه مهزومه
التحيه والمشاعر للوطن فوق النوايد=افتخر ماكنّي الا بالفضاء والمس نجومه
والنهايه طاعة الله راس مالٍ للفوايد=القصيده في نهايتها على المسك مختومه[/poem]

الدليهي
 

صح لسانك انت شاعر الخفجي الصادق الجميع صفق مفتخرا بقصيدتك الليله في حفلة الوطن وفقك الله

يعطيك مليون عافية
وسلمت اناملك على ها القصيدة الحلوة
وصح السانك

صح لسانك
يابو سعد

شاعر جزل

بكل ماتحمله الكلمه من معنى

كلمااات رناااانة ذااات معاااني سااامية
يعاااافيك ربي ع القصيدة الرااائعة
وخاااصة إنها تعبربإحسااس وطني صااادق

ابو سعد

صح الله السااااانك وبيض الله وجهك

كما عهدناك جزل

صح لسااااااانكــ ..