يمـــه....
 

(1)

يمه ..

ودي احكي لك حكايه ..
من البدايه للنهاية ..


مافي بطل فـ حكايتي إلا أنا
ياللأسف ..
أنا البطل وانتي تذوقين العنا


يمه .....

ربي خلقني في حشاك
و حـملـتي فيني تـسعة أشـهـر
متـمنـّيه .. أبقى معـاك
لا ما أخون .. ولا اعرف اغدر



ومع كل يوم يمر في عمر الجنين
يزداد شوقك والحنين
مـع كل يوم يمر في عمر الجنين
ودك تخبين الدموع العاشقه
لكنها يمه ...... تبين




و مر الشهر بعد الشهر
وانتي تعدّين الثواني والدقايق
وقلبك على نار و جمر
فرحـــان يـا يمه .. و تايق






المهم ... تعبتي في يوم الولاده



وآآآآآآه .... من يوم الولاده
مـحـدٍ ... يـسـوي بـك سـواتي
أتخيلك .. وانتي تقولين الشهاده
لو خيروكي بين موتك أو مماتي





والله يا يمه....
إنك لتهدين العمر
كل العمر
لاجلي ..... قلاده






***********************




(2)


آآآآآآآآآآه من حبك يا يمه ..........


تصوري .. توني أنا بس فـ البدايه
........................ من شريط الذكريات
وانتي ...... انتي تحـمـّلـتي شـقايـه
.................... وانا حرمتك من المبات




والمهم ..
بديت أمشي بعد عام .....
وانتي فرحانه كثير بهالمشي ..... بس ما ادري ليه !!
وحتى انا صرت بشعوري منتشي .... ولا ادري ليه !!




مع ان أوّل خطوتين من المشي ,,,, أبعدت عنك


تخيلي
سويتها !!
وهربت منك ......... !!




وبعد الهروب ...
بس ,,,,,,, بدقيقه
لما أحس اني أنا عنك بعيد ..
وتصير دمعاتي
وسط عيني غريقه
أرجع لحضنك ... من جديد ..


و ابكي
و ابكي
و ابكي ..







***********




(3)




آآآآآآآآآآه من صبرك يا يمه



و مرت سنه
تتبع وراها كم سنه ...



و أذكر أنا أخطيت في مره عليك
... و صحتي علي ...


ثم جاوبتك أنا في كلمتين
و اذكرها زين ..


ومع اني الغلطان لكن قلت لك
" يمه .. تراني ما أحبك "
ودخلت غرفة نومى الظلمى ونمت ,,,,,



والمشكله ماهي هنا .....
المشكله لما صحيت ....







لقيتني ساكن فـ حضنك ..
لقيتني أفرح بحزنك ..





ساعتها بيّنت الزعل مني عليك ..
وساعتها نظراتك لفتني خايفه ..
حتى دموعك جاوبت عنك تقول :


عــمــري
تـرانـي آسـفــه ....






معقوله ..


معقوله كل هذا الجفا مني يا ناس
معقوله اسقتني الوفا ..
و اسقيها من ظلمي أنا عشرين كاس ....





والله غريب اللي يصير ..
أصبحت معدوم الضمير ..
يمه ..... تحملتي كثير ..
و اخطيت في حقك كثير ..




فاتحمّلي يالغاليه ...
اتحمّلي يالغاليه ...

***********




(4)




وآآآآآآآآآآه من الماضي يا يمه


وقـّـف .. ترى مابيك تزعل
يا شقا الماضي علي ..
باحكي انا عن كل شي ..
بس انتظر .. واصبر شوي ..




أذكر أنا دايم إلا من جيت ساري
تنتظرني دمعتينٍ من دموعك
عند باب البيت ....
تدعيلي وتقول : الله يحفظك ويجيرك
و ارد انا و بكل برود : آمين


وكأني في نفسي أقول :

معقوله كل هذا الحنان ..
ماعادني ذاك الصغير اللي زمان ....

والله أنا مليت ..
مليت ..

**********




(5)



,,,,, وآآآآآآآآآآه من عشقك يا يمه ,,,,,


كنت أسمع ان الحب يا يمه سراب ..
ولا اعرفه ..
كنت اسمع انه جرح و احزان وعذاب
ولاني اقدر اوصفه ..



وحاولت احب ... بس ما فكرت لو لحظه احبك ..
حاولت ألاقي قلب .. والمشكله دايم انا قدام قلبك ..




ولقيتها ... وحبيتها
بكل جنون العاطفه حبيتها ..
و اعطيتها ..
قلبي انا أعطيتها ..



بس النهايه .... وفي كل حكايات الغرام
جرح وخصام ..غدر وملام .. طعن وسهام



وهذا اللي وصلني منها .....
و ذقت العذاب ...
وضيعت عمري والشباب .....





والله ما ذقت الوفا إلا معاك ..



وهذا انا ... أبكي على عمرٍ مضى و اطلب رضاك




يمه .............................. أنا أطلب رضاك


************************




(6)




,,,,, وآآآآآآآآآآه من ظلمي يا يمه ,,,,,



كانت دموعي الساهره ..
تكتب خضوعي ..
تعلن رجوعي .. للحنان اللي صبر كل العمر ..




و جاتني .. لا .. ما أصدّق .. جاتني ...



مدّت يديها الطاهره ..
تمسح دموعي ..
خافت دموعي .. تجرح الخد وتخلّي به أثر ..



وتقول :


فواز .... لاتبكي وانا امك ..
أنا أبيك اليوم تفرح ..
أبيك تنسى كل همك ..
مابي تخلّي للحزن فـ القلب مطرح ...




فواز ......... يا يمه :












عيوني فدوة عيونك ..
و دوم احفظك و اصونك ..
و الى منه طرا إسمك يصيح القلب باعلى الصوت

حياتي ..........
مالها معنى ....
بدونك







أتمنى أن تصلكم فكرتي كما رأيتها ..... وأتمنى أن أرى نقدكم الذي تعودته دااااائما؟؟؟

[align=center][grade="4B0082 00008B FF1493 00008B FF1493"]نصراوي
((
)
كلام .... يسقط الاقلام ..
(
)
بوح صادق يحني الهامات وفاء له ...
(
)
نسمات روحانيه .. تذكرنا اذا نسينا .... وتعيننا اذا تذكرنا ....
(
)
اااااااااه منك يا نصراوي..... ماذا فعلت ...اوماذا اقترفت ...او ماذا قلت هنا .....فلك كل الحق في ذلك ؛؛؛
(
)
نطقت حق مستحق فأطال الله في عمر امهات المسلمين جميعا ....
(
)
تقبل جل احترامي لشخصك الكريم ,,, ولقلمك العضيم اللذي نزف بهاذا البوح الصادق ,,,,,
:
:
:
الى الامام

النورس[/grade][/align]

تسلم يا نصراوي



والله يعطيك العافية



على كلماتك الرائعة

يمه من الجوع .. والحرمان والغربة ..
والرابع اللي لبست .. وجــوعي الكافر !!

لو قالوا .. إن الجفاف يهيم بـ التربة ..
أو قالوا .. إن الطريق يودّ ع مســـافـر !!

أنا مسافر .. ودربي من يسافر به ..
يلقى به الشوك يانع .. والأسى وافـــر !!

مفلس .. ولا لي .. غير حبك وأتاجر به ..
مخلوق مذنب .. ولكن .. خالقي .. غــافر !!

/
\

يمـــــه ..

أنا .. فعــلاً .. خطيت ..

لكن ..

ولا ادري .. وش أبـــــي ؟؟

يعني كذا ..

كني بقيت ..

جاهل .. ولا يفهم .. غبـــي !!

/
\

يمه ..

ترى اول .. عقل ..

لـ الشخص .. يقدر يثبته !!

أنك .. ترى ..

أول حقــــــل ..

لازم .. أنا .. أسقيه .. وأنبته !!

/
\

يمه ..

وهــرجي .. مهما .. طال ..

يبقى .. ترى .. أصغـــــــــر .. كثير ..

من نهر حبك .. هـ الغزير !!

/
\

فواز ..

شكــــــــــراً .. لـــ تجديد الحرف هنا ..

/
\

أبقاك الله ..

لــــ قلب أمك .. ولا حرمك الله منها ..

/
\

لك كل الغــــــــلا ..

سلالالالالالالام

ما تركت لنا



فرصة



إلا تنفس حروفك




والغوص بأعماق أعماقك




سرقت الحروف وأسرت مشاعرنا




يمـــة




ما أعظمها من كلمة




تحتوي كل المشاعر






تضحية



حب



عطاء



حنان




وهل تكفي الصفحات



لنعبر للأم



ونرد لها جزء من عطائها







لا أملك أمام هذه الرائعة



إلا الصمت والغوص مجداً



بمشاعرها وأحاسيسها






ربي يحفظ لك أمك الغالية



ربي ما يحرمك حضنها الدافئ



ربي يسلمك لها لتقر عينها بشوفتك




ربي ما يحرمنا إبداعك وتألقك





دمت بود

ماني بشاعر لكن هي محاولة..



أباعد خطاي .. وخطاي ملـتمـه
أسابق الوقت .. وحضي العــاثر

كيف ضيعت .. حضن دافي وضمه
وغرتني الدنيا .. وبنت الأكــابـر

عمى قلبي .. وتـهــت بالظــلمة
وساقني للنور .. صوت المشاعر

ليا قالوا .. الفتى من نسل أمه
اشمخ براسي .. والكل يناظــر

قالوا هنيــاله بخاله وعمــه
فحول الرجال لا دارت الدواير

قلت الذهب في الصفاة المصمه
مـــا درا به دايـج وســـاير


. . .


كلماتك اخي نصراوي .. تستثير القلوب .. بصدقها

وتصويرك للمشاهد والمراحل .. تجويد و تحبير

وتناغم عباراتك وعذوبة كلماتك .. نغم مـُـطرب ... ويريح الابدان

وصوتك المبهم في حروفك .. شجن يشنف الآذان




لله درك ماسكبت لنا من .. عسل ...

بل ماصببت من اطاايب .. الكَليم



وهي بحق تستحق ..

اكثر


ومهما بذلت وداومت من حسن ..

فهي اكثر منك حسنه



ومهما قدمت واتمـمت

فهي المتمه من قبل ومن بعد




فلنثابر في برها ... فلعلنا نبلغ من الكوثر شجره

ومن العسل سُـكره.. ومن الطيب روائحه



ومن يدري .. لعلنا نبلغ من فضلها النصف او اطراف النصف ..!!






مزيد من التألق فواز



وللأمانه ...

ردود الاخوة جميلة جدا

واطلت التأمل في كلمات الاخ نواف الفهاد كثيراً ...



دومتم للرائدية خير زاد للعقول وللقلوب ...



...badr

الف شكر اخواني على مروروركم الغالي...ولكن انا انتظر نقد على اللي حصل..؟؟؟

نصـــراوي !!

/
\

الحرف الجميل ..

لا يمكن .. أن ينتقد .. أبداً ..

لأنه جميل !!

/
\

وأنت .. هنا ..

كنت .. باهي الحرف .. والتميز !!

/
\

بـــ النسبة لي ..

لم أملك .. سوى أن أكتب هذه الحروف .. بــ إعجاب !!

/
\

لك كل الغــلا ..

سلالالام

يعطيك العافيه نصراوي



على هذه المشاعر الجياشه