منتديات الرائدية - دقاق الجلال ..........

امتثال لرغبة الممدوح عدم توضيحه .........

اسج وارحل واعتلى كلي على متن الخيال = واجلي معا نفس الهجوس واندرج بحبالها
واخذ واخلي وانتقي من نتقوة دقاق الجلال = واشيل لك هاك اللذي ماقبلي اللي شالها
درالمعاني ساميات الحرف كالبرق تلالا = المفردات الحالمات اللي عزيزٍ جالها
تقطعت فيها السبل واحوالها ماهي بحال = ترثي على وقت مضى قبل يتدهور حالها
يوم ازبنت زبن الدخيل وصيحت يااهل الشمال = تنطحت وجهك نطوح واجدعت لك شالها
قلت احلمي يام المعاني بهون يابنت الحلال = وفزيت فزت من فزع صال العلوم وجالها
يارد على الموت الحمر وينازل عياله نزال = ويعود الغاره لها ويشنها كرمالها
لانك كريم المنزله حبلك مهو مثل الحبال = وقبيلتك كن الوالي اللي خلقها اوحالها
بالعز عزعزها العزيز ومجددة مجداللال = تقلط على صدرالسماء وتشب ناردلالها
يابو( ؟) يامعرب الجدين من عم (ن)وخال = بك مرحبا ترحيبتن حقب السحب تبرالها
تقول وعلومك تطول وترسخ علوم ا لرجال = حيث المعالي ماتعرف الا الرجال افعالها
وربعك لهم حيل الجبال ولاهم بحال الجبال = اللي تضل ولاتضل وناشرات ضلالها
الشمخ المترجله الصابره بئس الهوال = والا البشر تفرق بعض عن بعضها بأعمالها
انهض طويلك وانت تسمو في معاليك بجلال = تبرك لك الشمخ وتنظر حضرتك ترقالها
وترحل وتنزل ياعريب الجد وتشدالرحال = وتحول بعسر الامور وتستغيث رجالها
وتضرب على العسرات ضرب وضربهن والله حلال = مايل عقالك والمراجل شاربن فنجالها
والمرجله ماهي سوالف جيتلك --- ولا تعال = المرجله قول الرجال اللي تعز اقوالها
هل العلوم الطايله هل المجالس والدلال = هل البيوت العامره في حلها وترحالها
للضيف ريف وللقصير اضلال مامثله ضلال = وزبن الدخيل الياغشاه اللي غشاه وجالها
ياسعد عين اللي قدوا هالقوم لعياله خوال = قومن تحيل المستحيل وتنزل بمنزالها
ماهي من اللي ترتفع في سوقها مثل الريال = طاحت لاطاح ولاتعلت طارطير ريالها
تسلم ولايسلم ردي العزم وان طال المطال = الاوله تظهر مازول الخيل من خيالها