منتديات الرائدية - آنا اشهد انك وافيه بنت وافي

آنا اشهد انك وافيه بنت وافي

هذه قصيده للشاعر/محمد بن سعيد العمري
يرثي بها زوجته / مسعده بنت شكري الشهري
لوفاتها بحادث سير في 18/2/1435هــ..

اللـه يبيحـك مــاحصـل منـك قصـور
آنـااشهــد انــك وافيـه بنـت وافي

كنتي لــدنيــاي الهنــا كنتي النــور
كنتي ربيعي في السنين العجافي

كنتي حنـان يـروي ايـامي شعور
كنتي أمـان وبلسم جروح شافي

فجـأه رحلتي وانهـدم كل معمور
والكون بعدك صارموحش وطافي

حكم الله اقوى حتم لاشك مقدور
مـاللفتى ممــاقضى اللـه كـافي

يامسعـدة عمـري وياغادة الحور
يا احلى سنيني يازمان التصافي

يالصـايمـه يـالعـابــده دونمافتور
يـالبـاذلـه للــه ظــاهــر وخـافي

مثلك فــلا ظنيت بـالقى لو آدور
كل الحـراير جـنب زينـك عوافي

عشرين عام وفوقها ست وشهور
مرت مثل حلم على عين غافي

لقيت فيك الصدق مع صايب الشور
ولقيت فيك الطهر ناصع وصافي

خوفك من الله أمر معروف مشهور
ولباسك التقوى مغطى وضافي

والطيب طبع فيك صادق ومذكور
متسامحه مـافيك صـد وتجـافي

العين بعـدك دمعهـا سيل منثـور
والقلب حزنه مثل طعن الشلافي

معـذور انـا يامسعده والله معذور
لـوصار حـزني بعـد مـوتـك لحافي

والله لو اكتب الف ديوان مسطور
ما اوفيك مهما زان نظمي وقافي

ما انساك أنا لوطال بي عمري دهور
ما انساك لين ارحل وموتي يوافي

يـاللـه يـاللي عنـدك السـرمخبــور
يــا واحـد مــالـــك مثيــل يــــوافي

تعظـم لهــا ياـرب في قبرها النور
واغفــرلهــا الـزلات جهــر وخــافي

وانـزل عليهـا رحمتك غيث وسرور
وآمـن فـزعهـا فـي نهـار المخافي

وأحسن عزاء قلب من الفقد مكسور
والطف بنا فانت المغيث المشافي