وش ياخذ الباعوض من ريش قرناس 0
 

السلام عليكم ورحمة الله وبركاته0

هدية:-


قالت عنزي و قلت فخر ومعزة ****** أهل الكرم والعلم والحلم والباس

قالت شمالي قصدها بي تهزة ****** ماتدري اني بفتخر وارفــع الراس

الحمــــــــــدلله روسنا دوم رزة ****** اللي خلقنا بس نحني له الراس

صافي نسبنا والحسب فية عزة ****** أصل أصيل وفصل والعرق دساس

أهل الوفاء والدين صافي منزه ****** عن كل ماشاب العقيده من أدلاس

حنا العقيلات انشدي رجال غزه ****** حنا هل الدنيا وللدين حــــــــراس

حنا سنايد نجد في كل حــــزه ****** لا خانت حلوق الرجاجيل الأنفاس

حنا اجبال يعجز الريـــح هـــــزه ****** حنا لنجد حزام وعصابة الــــــراس

نارد حياض المرجـــــلات ونلــزه ****** مانمشي دروب الرذيله والأدناس

من يغلط لسانه علينــا نجــــزه ****** واللي يحقر قدر الرجاجيل ينداس

منا العدو تكفيه بالعين خــــــزه ****** يقضي عليه الخوف مع كل هوجاس

من ذكرنا في قلبه تثور نـــــــزه****** من طاري الويلان يبلاه وسواس

نومه كوابيس وروعه وفـــــــــزه ****** دقت نواقيس الخطر له والأجراس

وان هو لقي له من علينا يــوزه ****** هون له الصعبات وابليس خنــاس

مايدري انه للمهالـــــك يــــدزه ****** عجل علي مبناه يمحي من الساس

يابنت حنا من نخانا نعــــــــــزه ****** يأمن بنا الملهوف وتهابنـــا الناس

مرسولنا للخير دايـــــــم نكـــزه ****** ولصرخة المحتاج نرخي الأكياس

تاريخنا مجـــــد لبسناه بــــــزه ****** نمشي بوسط السوق ماندحم الساس

لك ماتركنا بكاس الأمجاد مـزه ****** واجد عليك ومثلك حثالة الكاس

وش جاب حر الطير لفريـخ وزه ****** منهو يساوي جوهر الماس بنحاس

لاتحسبين انك لنا مــسـتفـــزه****** وش ياخذ الباعوض من ريش قرناس



يستاهلون عيال وايل..

منقول

أم عبدالرحمن

السلام عليكم

اشكر مروركم جزيتم خيرا

أنا اشهد انهم رجال و كفو عيال وايل و لا يهونون باقي القبايل

احترامي

000

[rams]http://www.qassimy.com/sd/sounds.php?tell=263[/rams]



ومشكورة على النقل


وصح لسان الشاعر

الساجدةلله

الف شكر على النقل الرائع

وصح لسان الشاعر

وسلمت يمينك على النقل ياأم عبدالرحمن

وتقبلي مني كل الحب والاحترااااااااااااااام

سلمتِ يا الساجدة لله

والله يعطيك العافية

على هذه القصيدة الرائعة

ونعم والله بعيال وايل ..
ولا تهون باقي القبايل..
حنا بني وايل ليا حل ملزوم الموت والله ما حسبنا حسابه

منا العدو تكفيه بالعين خــــــزه ****** يقضي عليه الخوف مع كل هوجاس

سلمت يمناك على النقل يا ام عبد الرحمن

بس ياليت تبينين لنا الشاعر اذا كا معر وف لديك

كل الشكر لك

كوني بخير